01.05.2026 | 09:27
Հայաստանի Հանրապետությունը ծաղկում է ապրում, և սա բոլորիդ աշխատանքի շնորհիվ է․ ՀՀ վարչապետի ուղերձը
Կրեմլը ողջունում է Իրանի և ԱՄՆ-ի միջև հրադադարը
Քաղաքականություն
08.04.2026 | 16:56
Կրեմլը ողջունում է Իրանի և ԱՄՆ-ի միջև հրադադարը և հույս ունի, որ շուտով տեղի կունենան այդ երկրների պատվիրակությունների միջև ուղիղ շփումներ։ Այս մասին ճեպազրույցի ժամանակ հայտարարել է ՌԴ նախագահի մամուլի քարտուղար Դմիտրի Պեսկովը։
«Երեկ տարբեր կողմերից հնչած բավականին կոշտ հայտարարությունների ֆոնին, որոնք զգալի հույզեր առաջացրին ամբողջ աշխարհում, մենք ուրախ էինք լսել հրադադարի մասին այս լուրը և ողջունում ենք զինված էսկալացիայի ուղով չգնալու որոշումը, հատկապես՝ չհարվածել քաղաքացիական թիրախներին կամ իրանական տնտեսական օբյեկտներին», – ասել է նա՝ որոշումը որակելով «շատ կարևոր»։
«Մենք հույս ունենք, որ, ինչպես նշում են լրատվամիջոցները, առաջիկա օրերին Իրանի և Ամերիկայի պատվիրակությունների միջև ուղիղ շփումներ կկայանան, ինչը հնարավորություն կտա շարունակել խաղաղ քննարկումները։ Կողմերից յուրաքանչյուրը կկարողանա պաշտպանել իր շահերը ոչ թե զինված միջամտության միջոցով, այլ բանակցությունների սեղանի շուրջ», – ասել է Պեսկովը։
Նա հիշեցնել, որ ի սկզբանե Մոսկվան հորդորել է այս սրացումը արագորեն խաղաղ հուն տեղափոխելու և քաղաքական ու դիվանագիտական շփումների, բանակցությունների անցնելու անհրաժեշտության մասին։
Թարգմանությունը` Էմմա Չոբանյանի
