02.07.2026 | 13:41
«Կոնկրետ օրինակով եմ ցույց տալիս, թե ձեր նախագիծն ինչ բոբիկ ա»․ Գեղամ Մանուկյանը՝ ընտրական ցենզի մասին․ ՏԵՍԱՆՅՈՒԹ
Հայաստանը ողջունում է ԱՄՆ-ի և Իրանի որոշումը՝ դադարեցնել ռազմական բոլոր գործողությունները. Փաշինյան
Քաղաքականություն
08.04.2026 | 14:14
Հայաստանը ողջունում է ԱՄՆ-ի և Իրանի միջև կարևորագույն որոշումը՝ դադարեցնել ռազմական բոլոր գործողությունները։ Այս մասին X-ի իր էջում գրել է ՀՀ վարչապետ Նիկոլ Փաշինյանը։
«Մենք բարձր ենք գնահատում միջնորդական ջանքերը, այդ թվում՝ Պակիստանի, և խորապես համոզված ենք, որ դիվանագիտությունը պետք է գերակշռի բոլոր չլուծված հարցերը լուծելու և Մերձավոր Արևելքում խաղաղությունը պահպանելու համար»,- գրել է Հայաստանի վարչապետը ։
Հիշեցնենք, որ ԱՄՆ-ն ու Իրանը համաձայնության են եկել երկշաբաթյա հրադադարի շուրջ։
Մինչդեռ նախօրեին ԱՄՆ նախագահ Դոնալդ Թարմփը Truth Social-ում հայտարարել էր՝ «Մի ամբողջ քաղաքակրթություն կոչնչանա այսօր գիշեր, և երբեք չի վերականգնվի։ Ես չեմ ուզում, որ դա տեղի ունենա, բայց հավանաբար տեղի կունենա»։
Ապա հայտնի դարձավ, որ Պակիստանի վարչապետ Շեհբազ Շարիֆը հայտնել է, որ Իսլամաբադը այս շաբաթվա վերջում կհյուրընկալի ԱՄՆ-ի և Իրանի պատվիրակություններին։
Թարգմանությունը`Էմմա Չոբանյանի
