06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
Փոխնախարարն ու ու Իրանի դեսպանը քննարկել են Քաջարան–Ագարակ ճանապարհի շինարարության ընթացքը
Տնտեսություն
08.04.2026 | 13:10
ՏԿԵ նախարարի տեղակալ Քրիստինե Ղալեչյանը Իրանի դեսպան Խալիլ Շիրղոլամիի հետ հանդիպմանը անդրադարձել է ենթակառուցվածքային ծրագրերին՝ նշելով, որ Քաջարան–Ագարակ ճանապարհահատվածի շինարարությունը նախատեսվում է ավարտել 2027 թվականին։
«Հայաստանի Հանրապետության տարածքային կառավարման և ենթակառուցվածքների նախարարի տեղակալ Քրիստինե Ղալեչյանն ընդունել է Հայաստանում Իրանի Իսլամական Հանրապետության արտակարգ և լիազոր դեսպան Խալիլ Շիրղոլամիին։
Նախարարի տեղակալը ողջունել է հյուրին՝ կարևորելով համատեղ ծրագրերի իրականացումը ենթակառուցվածքների զարգացման ոլորտում։
Հանդիպման ընթացքում քննարկվել են ենթակառուցվածքների զարգացման ոլորտում իրականացվող ծրագրերը, մասնավորապես՝ անդրադարձ է կատարվել Քաջարան-Ագարակ ճանապարհահատվածի շինարարության ընթացքին։
Քրիստինե Ղալեչյանը ընդգծել է, որ ծրագրում գործադրված ջանքերի և իրանական ընկերության ակտիվ աշխատանքի շնորհիվ հնարավոր կլինի աշխատանքներն ավարտել նախատեսված ժամկետներում՝ 2027թ․-ին»,- ասված է հաղորդագրությունում։
