02.07.2026 | 20:10
Զելենսկին հայտարարել է, որ Ռուսաստանը պատասխան կստանա Կիևի վրա զանգվածային հարվածի համար
Բուշերի ԱԷԿ-ից տարհանված 175 աշխատակիցներ Երևանից Մոսկվա են մեկնել
Քաղաքականություն
07.04.2026 | 10:55
Ապրիլի 6-ին Ռուսաստանի 175 քաղաքացի հատուկ չվերթով Երևանից Մոսկվա է մեկնել։ Նրանք տարհանվել էին Իրանի Բուշեր ԱԷԿ-ից և ՀՀ էին տեղափոխվել Նուրդուզ/Ագարակ սահմանային անցակետով։ Այս մասին հայտնում է ՀՀ-ում ՌԴ դեսպանատունը։
«Ռուս դիվանագետների և հայկական կողմի ներկայացուցիչների համակարգված ջանքերի շնորհիվ, Իրանի դեմ ամերիկա-իսրայելական ագրեսիայի սկզբից ի վեր, Հայաստանի տարածքով հայրենիք է վերադարձել ընդհանուր առմամբ Ռուսաստանի 509 քաղաքացի»,-ասվում է հայտարարության մեջ։
Դեսպանատունը խորին շնորհակալություն է հայտնում Հայաստանի Հանրապետության իշխանություններին՝ ««Ռոսատոմ» պետական կորպորացիայի աշխատակիցների նկատմամբ ցուցաբերած բարի վերաբերմունքի և մուտքի օպերատիվ գրանցման համար»։
Թարգմանությունը` Էմմա Չոբանյանի
