27.07.2026 | 17:03
Նեյմարը դուբլ է գրանցել ԱԱ-2026-ից հետո առաջին խաղում․ ՏԵՍԱՆՅՈՒԹ
Հույս ունեմ, որ այս գիշեր «Բուշեր» օդանավակայանից տարհանված աշխատակիցները կհասնեն Հայաստան․ «Ռոսատոմ»-ի ղեկավար
Քաղաքականություն
05.04.2026 | 19:49
Իրանի «Բուշեր» ատոմակայանում «Ռոսատոմ»-ի տարհանված աշխատակիցներն այս գիշեր, ամենայն հավանականությամբ, կհասնեն Հայաստան։
«Արմենպրես»-ի փոխանցմամբ՝ լրագրողների հետ զրույցում այդ մասին հայտնել է «Ռոսատոմ»-ի ղեկավար Ալեքսեյ Լիխաչևը։
Նա հայտնել է, որ տարհանվել է «Ռոսատոմ»-ի 198 աշխատակից։ Խումբը հաջողությամբ շարժվում է հայ-իրանական սահմանի ուղղությամբ։
«Իրանի իշխանությունների աջակցությանվ խմբի անդամները գիշերել են Սպահանում։ Ես հույս ունեմ, որ այս գիշեր նրանք արդեն կլինեն Հայաստանի տարածքում»,- ասել է Լիխաչևը։
Նա չի բացառել, որ հաջորդ շաբաթվա ընթացքում, երբ հնարավորություն լինի, աշխատակիցների տարհանման ևս մեկ ալիք լինի։
Լիխաչևն ավելի վաղ հայտնել էր, որ «Բուշեր» ատոմակայանից «Ռոսատոմ»-ի աշխատակիցների տարհանումը իրականացվելու է Հայաստանի տարածքով։
Նախորդ օրը Ատոմային էներգիայի իրանական կազմակերպությունը հայտնել էր, որ «Բուշեր» օդանվակայանի մոտակայքում արկ է պայթել, որի հետևանքով վնասվել է շենքը, որից օգտվում են կայանի աջակցող ծառայությունները, մեկ աշխատակից զոհվել է։
Նշվել էր, որ ատոմային անվտանգության սպառնալիք չկա։
