17.08.2026 | 19:06
ՀՔԱՎ-ը գնահատել է ԶՈՒ բարեփոխումներին ուղղված ՀՀ կառավարության 2021 – 2026 թթ. գործողությունները
Եթե տենց փնթի են, իրենց շինթույլտվությունները չեղարկենք, թող գնան սնանկանան դրանք․ Ավինյան․ ՏԵՍԱՆՅՈՒԹ
Տնտեսություն
06.04.2026 | 11:00
Երևանի քաղաքապետարանի հերթական գործակարգավարական խորհրդակցության ժամանակ քաղաքապետ Տիգրան Ավինյանն անդրադարձավ «Լույսեր» թաղամասում շինաղբի ապօրինի կուտակման խնդրին։ Քաղաքաշինության և հողի վերահսկողության վարչության պետի տեղակալ Ռուբեն Խոջոյանը զեկուցեց, որ վերջին երեք օրերին տարածքից շուրջ 60 բեռնատար շինաղբ է տեղափոխվել։ Նա նաև նշեց, որ թեև հարակից կառուցապատողները օժանդակել են մաքրման աշխատանքներին, սակայն աղբը կուտակվել է այլ սուբյեկտների կողմից, և մեկ դեպք կանխվել է շաբաթ օրը։
Տիգրան Ավինյանը խիստ արձագանքեց՝ կարգադրելով գտնել այն կառուցապատողներին, ովքեր շինաղբը թափում են ոչ սահմանված վայրերում։
«Գտնենք մեթոդ իրենց շինթույլտվությունները չեղարկելու առհասարակ։ Թող գնան սնանկանան դրանք։ Որովհետև եթե այդպիսի փնթի են իրենք իրենց էությամբ և իրենց մոտեցումներով, որ իրենց շինաղբը որտեղ պատահի կարող են տանել թափել, պետք է իրենց շինթույլտվությունները չեղարկել»,- հայտարարեց քաղաքապետը։
Ավինյանը հանձնարարեց աշխատակազմի իրավաբանական վարչությանը ուսումնասիրել շինթույլտվությունները չեղարկելու իրավական հիմքերը՝ նշելով, որ մի քանի պատիժներից հետո այդ երևույթը կվերանա։ Ավինյանը հանձնարարեց ներկայացնել այս հարցում մեղավոր կառուցապատողների անունները։
Մանրամասները՝ տեսանյութում։
