17.08.2026 | 19:06
ՀՔԱՎ-ը գնահատել է ԶՈՒ բարեփոխումներին ուղղված ՀՀ կառավարության 2021 – 2026 թթ. գործողությունները
Պահանջները խախտած կառուցապատողները պետք է տուգանվեն, սա կոնկրետ հանձնարարական է․ Ավինյան․ ՏԵՍԱՆՅՈՒԹ
Տնտեսություն
06.04.2026 | 10:31
«Մեր պահանջները խախտած բոլոր կառուցապատողները պատշաճ կերպով պետք է տուգանվեն, և նրանց նկատմամբ պատշաճ վարչարարություն իրականացվի, որովհետև այդ վարչարարությունից նաև կախված է հաջորդ տարվա իրենց արտոնությունները»,- այս մասին այսօր Երևանի գործակարգավարական խորհրդակցության ժամանակ ասել է քաղաքապետ Տիգրան Ավինյանը։
«Եվ հետևապես՝ սա շատ կոնկրետ հանձնարարական է, պարո՛ն Խոջոյան, որևէ կառուցապատող, մասնավորապես՝ խոսքը չորրորդ ռիսկայնության կառուցապատումների մասին է․ ով ունի ավագանու որոշումներից շեղում, հանկարծ չպետք է այնպես ստացվի, որ վարչարարություն իր նկատմամբ իրականացված չլինի: Այսինքն՝ բոլոր շինհրապարակները, որոնք Երևանում առկա են, որոնք չեն համապատասխանում ավագանու որոշմանը, բոլորը պարտադիր պետք է տուգանվեն»,- շեշտել է քաղաքապետը։
Երևանի քաղաքապետարանի քաղաքաշինության և հողի վերահսկողության վարչության պետի տեղակալ Ռուբեն Խոջոյանը հայտնել է, որ մարտին ապօրինի շինությունների կառուցման և հողազավթումների դեպքերով կազմվել է 84 վարչական իրավախախտումների վերաբերյալ արձանագրություն, որից 8-ը՝ աշխատակազմի քաղաքաշինության և հողի վերահսկողության վարչության, 43-ը՝ աշխատակազմի հասարակական կարգի պահպանության ծառայության, և 33-ը՝ վարչական շրջանների աշխատակազմերի կողմից։
Նրա խոսքով՝ նախորդ ժամանակահատվածի համեմատ կազմված արձանագրությունների թիվն ավելացել է 27-ով։
Մանրամասները՝ տեսանյութում։
