02.07.2026 | 13:00
Ի՞նչ քայլեր կանի ԵՄ-ն, եթե ՌԴ-ն թանկացնի ՀՀ մատակարարվող գազը՝ ֆոն դեր Լայենը պարզաբանեց․ ՏԵՍԱՆՅՈՒԹ
ՔԿ-ն պարզաբանում է՝ ինչու է Փաշինյանի միջադեպի գործով քննիչն ազատվել աշխատանքից
Հասարակություն
03.04.2026 | 20:00
ՀՀ Քննչական կոմիտեն հաղորդագրություն է տարածել՝ պարզաբանելով՝ ինչու է ՀՀ վարչապետ Նիկոլ Փաշինյանի միջադեպի գործով քննիչն ազատվել աշխատանքից։
«ՀՀ քննչական կոմիտեի Երևան քաղաքի Կենտրոն և Նորք-Մարաշ վարչական շրջանների քննչական երրորդ բաժնի ՀԿԳ քննիչ Հակոբ Հակոբկոխյանի կողմից Քրեական դատավարության օրենսգրքի 35-րդ հոդվածի 4-րդ մասի և 235-րդ հոդվածի 5-րդ մասի պահանջները, այն է՝ խուզարկության կատարման կարգի խախտման, այսինքն՝ այլ անձանց, մասնավորապես՝ ԶԼՄ ներկայացուցիչներին առանց անհրաժեշտության խուզարկության վայր մուտք գործել թույլատրելու, ինչպես նաև Քննչական կոմիտեի ինքնավար պաշտոն զբաղեցնող անձանց վարքագծի կանոնների խախտման, այն է՝ զանգվածային լրատվության միջոցով նախաքննության տվյալների անհարկի հրապարակման, համազգեստ կրելու կանոնների խախտման առթիվ ներքին անվտանգության վարչությունում սկսվել է ծառայողական քննություն:
Հակոբ Հակոբկոխյանը հրավիրվել է ներքին անվտանգության վարչություն բացատրություն տալու համար, որից հետո դիմում է ներկայացրել զբաղեցրած պաշտոնից ազատվելու մասին»,- ասված է հաղորդագրությունում:
Ավելի վաղ տեղեկացրել էինք, որ կիրակի օրը վարչապետ Նիկոլ Փաշինյանին առնչվող միջադեպի մասնակիցներ Դավիթ և Միքայել Մինասյանների գործով քննիչ Հակոբ Հակոբկոխյանն ազատվել է աշխատանքից. նա ազատման դիմում է գրել։
