02.07.2026 | 12:03
Կատարը հայտարարել է, որ Դոհայում ԱՄՆ-Իրան անուղղակի բանակցությունները «դրական առաջընթաց» են գրանցել
Փաշինյանի հետ կապված միջադեպի գործով քննիչն ազատվել է աշխատանքից
Հասարակություն
03.04.2026 | 19:29
Կիրակի օրը վարչապետ Նիկոլ Փաշինյանին առնչվող միջադեպի մասնակիցներ Դավիթ և Միքայել Մինասյանների գործով քննիչ Հակոբ Հակոբկոխյանն ազատվել է աշխատանքից. նա ազատման դիմում է գրել։
Factor TV-ի տեղեկություններով՝ ազատման հիմք է հանդիսացել ոչ թե Մինասյանների գործը, այլ դրա շրջանակներում թույլ տրված վարքագծային խախտումները։ Մասնավորապես, լրատվամիջոցների ներկայացուցիչների մուտքը և տեսանկարահանումը քննչական գործողության ժամանակ, որը, փաստացի, չի խոչընդոտվել և արգելվել քննիչի կողմից։
FactorTV-ն փորձեց մանրամասներ ճշտել Քննչական կոմիտեից, սակայն իրավապահ կառույցից փոխանցեցին, որ չեն մեկնաբանում։
Հիշեցնենք՝ ավելի վաղ այս մասին գրել էր «Հրապարակ»-ը՝ նշելով, որ ազատման համար հիմք է հանդիսացել այն հանգամանքը, որ Հակոբկոխյանը լրատվամիջոցներին ասել է, թե ոչինչ չեն հայտնաբերել։
Ռոզա Վարդանյան
