Քաղաքականություն
03.04.2026 | 16:51
ԱՄՆ նախագահ Դոնալդ Թրամփը զգուշացրել է Իրանի կամուրջներին ու էլեկտրակայաններին հարվածելու մտադրության մասին։
«Մեր բանակը, որն աշխարհի ամենամեծն ու ամենահզորն է անկասկած, նույնիսկ չի սկսել ոչնչացնել այն ինչ մնացել է Իրանում։ Հաջորդը կամուրջներն են, հետո՝ էլեկտրակայանները։ Նոր ռեժիմի ղեկավարությունը գիտի, թե ինչ պետք է արվի, և պետք է արվի արագ», – գրել է Թրամփը իր Truth Social-ում։
Իսկ ավելի վաղ ԱՄՆ նախագահը տեսանյութ էր հրապարակել, որը, ենթադրաբար, ցույց է տալիս Իրանի ամենամեծ կամրջի մասնակի փլուզումը և կոչ է արել Թեհրանին բանակցել, գրում է DW-ն։
Truth Social-ում հրապարակված տեսանյութում երևում էր մուգ ծուխ, որը բարձրանում էր Քարաջի B1 կամրջից, որը գտնվում է Իրանի մայրաքաղաք Թեհրանից մոտ 35 կիլոմետր հարավ-արևմուտք։
Թրամփը սպառնացել էր, որ «շատ ավելին կհետևի»։
«Ժամանակն է, որ Իրանը գործարք կնքի, քանի դեռ չափազանց ուշ չէ, քանի որ այն, ինչ կարող էր կոչվել մեծ երկիր, ոչինչ չի մնացել», – գրել է ԱՄՆ նախագահը։
Իրանի պետական լրատվամիջոցները հաղորդել էին, որ երկրի B1 կամուրջը երկու անգամ ենթարկվել է ԱՄՆ-Իսրայելի ավիահարվածների։ Ըստ հաղորդագրությունների՝ զոհվել է 8 մարդ, վիրավորվել`95-ը։
B1 կամուրջը, որը դեռևս կառուցման փուլում է, ըստ որոշ տեղեկությունների Մերձավոր Արևելքի ամենաբարձրն կամուրջն է։ Այն նաև կարևոր երթուղի է, որը կապում է Քարաջը Թեհրանին։
Թարգմանությունը՝ Էմմա Չոբանյանի
