27.10.2026 | 14:04
Թուրքական Անթալիայում պտտահողմի հետևանքով 4 մարդ է զոհվել
Իրանում ավիահարվածի հետևանքով կարևոր կամուրջ է վնասվել
Քաղաքականություն
02.04.2026 | 18:52
Իրանի մայրաքաղաք Թեհրանը արևմտյան Քարաջ քաղաքին կապող ավտոմայրուղային կամուրջը ավիահարվածներից վնասվել է, հաղորդում է Fars news-ը՝ հավելելով, որ նախնական տեղեկություններով՝ մի քանի մարդ վիրավորվել է։
Fars-ը հայտնել է, որ B1 կամուրջը համարվում է Մերձավոր Արևելքի ամենաբարձր կամուրջը և բացվել է այս տարվա սկզբին։ Բացի այդ՝ հաղորդվում է, որ Իրանի երկու խոշորագույն պողպատաձուլական գործարանները ստիպված են եղել դադարեցնել իրենց գործունեությունը ԱՄՆ-ի և Իսրայելի մի քանի հարձակումների պատճառով։
«Մեր նախնական գնահատականն այն է, որ այս ստորաբաժանումների վերագործարկումը կտևի առնվազն վեց ամսից մինչև մեկ տարի», – Mizan Online կայքի փոխանցմամբ այս մասին հայտնել է «Խուզեստան պողպատաձուլական ընկերության» գործառնությունների գծով փոխտնօրեն Մեհրան Փակբինը։
Սպահանի կենտրոնական նահանգում գտնվող «Մոբարակեհ» պողպատաձուլական ընկերությունը հայտարարել է, որ իր «արտադրական գծերը լիովին կանգնել են մեծածավալ հարձակումից հետո»։
Թարգմանությունը՝ Էմմա Չոբանյանի
