27.10.2026 | 23:30
Հայաստանի, Ադրբեջանի և Վրաստանի դեսպանները քննարկել են Հարավային Կովկասի խաղաղության և կայունության ամրապնդման հարցերը
Էդգար Սևիկյանը հստակություն չունի ապագայի վերաբերյալ
26.03.2026 | 12:55
Հայաստանի ազգային հավաքականի և «Ակրոնի» կիսապաշտպան Էդգար Սևիկյանը հայտնել է, որ այս պահին չկա հստակություն իր ապագայի վերաբերյալ։ 24-ամյա ֆուտբոլիստը վարձավճարով է հանդես գալիս ռուսական ակումբում, իսկ նրա տրանսֆերային իրավունքը պատկանում է հունգարական «Ֆերենցվարոշին»։
«Այս պահին չեմ խոսում ապագայիս մասին, տեսնենք, թե ինչ կլինի։ «Ակրոնի» հետ բանակցություններ չեն ընթանում վարձակալության ժամկետի երկարաձգման կամ տրանսֆերը ձեռք բերելու շուրջ։ Դեռ երկու ամսվա պայմանագիր ունեմ ակումբի հետ»,- Էդգար Սեւիկյանի խոսքը մեջբերում է «РБ Спорт»-ը։
Հիշեցնենք, որ Էդգար Սեւիկյանն այս անգամ չի հրավիրվել Հայաստանի հավաքական, որն այս օրերին Երևանում պատրաստվում է Բելառուսի դեմ մարտի 29-ին կայանալիք ընկերական հանդիպմանը։ Ռուսաստանի Պրեմիեր լիգայի ընթացիկ մրցաշրջանում Սևիկյանը մասնակցել է 12 խաղի ու կատարել 1 գոլային փոխանցում։ Transfermarkt-ը 1,8 միլիոն եվրո է գնահատում նրա տրանսֆերային արժեքը։
