27.10.2026 | 13:23
Հոկտեմբերի 27-ից հետո Քոչարյանի իշխանությունն ամրապնդվեց և դարձավ միահեծան. Ռուբինյան․ ՏԵՍԱՆՅՈՒԹ
Ադրբեջանը ռազմական արտադրանք է արտահանում գրեթե 20 երկիր․ Ասադով
Քաղաքականություն
13.03.2026 | 23:02
Ադրբեջանը ռազմական արտադրանք է արտահանում գրեթե 20 երկիր։ Ադրբեջանական լրատվամիջոցների փոխանցմամբ՝ այս մասին հայտարարել է երկրի վարչապետ Ալի Ասադովը՝ խորհրդարանին ներկայացնելով Նախարարների կաբինետի 2025 թվականի գործունեության հաշվետվությունը։
Նրա խոսքով՝ պաշտպանության և ազգային անվտանգության բյուջեի ծախսերը 2025 թվականին աճել են 23%-ով։
«Երկրի ինքնիշխանության, տարածքային ամբողջականության և ազգային անվտանգության ապահովումը պետական քաղաքականության հիմնական առաջնահերթություններից մեկն է: Այդ նպատակով 2025 թվականին պետական բյուջեից պաշտպանության և ազգային անվտանգության ծախսերը կազմել են 8,1 միլիարդ մանաթ (2024 թվականի համեմատ՝ 1,5 միլիարդ մանաթով կամ 23%-ով ավելի)»,- ասել է Ասադովը։
Նա նշել է, որ անցյալ տարի տեղական ձեռնարկություններնը արտադրել են 1,4 միլիարդ մանաթի ռազմական արտադրանք։
«Այսօր Ադրբեջանը ռազմական արտադրանք է արտահանում գրեթե 20 երկիր: Հաշվի առնելով ներկայիս աշխարհաքաղաքական իրավիճակը՝ ձեռք բերված արդյունքների պահպանմանը հետևողական ուշադրությունը կարևոր է, ներառյալ՝ անվտանգության ամրապնդումը, պաշտպանունակության բարձրացումը, սահմանների անձեռնմխելիությունը և ազգային շահերի պաշտպանությունը»,- ընդգծել է Ադրբեջանի վարչապետը։
Թարգմանությունը՝ Էմմա Չոբանյանի
