16.05.2026 | 19:36
Ժաննա Անդրեասյանն այցելել է Շվանիձոր․ հիմնանորոգված մանկապարտեզն արդեն գործում է, դպրոցը՝ կահավորման փուլում
Արման Ծառուկյանը խեղդող հնարքով հաղթել է Մուհամադ Մոկաևին․ ՏԵՍԱՆՅՈՒԹ
12.03.2026 | 09:21
UFC-ի թեթև քաշային կարգի դասակարգման երկրորդ համար Արման Ծառուկյանը Ռիո դե Ժանեյրոյում կայացած Hype Brazil մրցաշարում խեղդող հնարքով հաղթել է Մեծ Բրիտանիան ներկայացնող դաղստանցի մարտիկ Մուհամադ Մոկաևին։
10 րոպե տևողությամբ մենամարտում մարտիկները մրցել են գրեփլինգի կանոններով։ Մենամարտի վերջնամասում Ծառուկյանը մրցակցին տապալել է հատակին ու կիրառել խեղդող հնարք, ինչից հետո մրցավարը դադարեցրել է պայքարը։
25-ամյա Մուհամադ Մոկաևը խառը մենամարտերում անցկացրել է 15 մենամարտ ու տարել նույնքան հաղթանակ։
29-ամյա Ծառուկյանը խառը մենամարտերում մասնակցել է 26 հանդիպման, ունի 23 հաղթանակ ու 3 պարտություն։ Հայ մարտիկը մարտի 28-ին կմասնակցի նաև RAF (Real American Wrestling) ազատ ոճի ըմբշամարտի լիգային, որտեղ ռևանշ մենամարտ կանցկացնի ամերիկացի ըմբիշ ու բլոգեր Ջորջիո Պուլասի հետ։
Արման Ծառուկյանի ու Մուհամադ Մոկաևի մենամարտն ամբողջությամբ կարող եք դիտել այստեղ։
