10.03.2026 | 17:11
Նոր հանրային քրեական հետապնդում է հարուցվել նաև Սերժ Սարգսյանի մյուս եղբոր՝ Լյովա Սարգսյանի նկատմամբ
Ալիևը հաստատել է Նախիջևանի Սահմանադրության փոփոխությունները. Մոսկվայի և Կարսի պայմանագրերի հիշատակումները hանվել են
Քաղաքականություն
10.03.2026 | 13:46
Նախիջևանի Ինքնավար Հանրապետության Սահմանադրության մեջ փոփոխություններ են կատարվել, Ադրբեջանի նախագահ Իլհամ Ալիևը ստորագրել է համապատասխան օրենքը։ Փաստաթղթի համաձայն՝ Նախիջեւանի Սահմանադրության մեջ երկու նոր հոդված է ավելացվել (հոդված 3-1 եւ հոդված 28-1), մեկ հոդված (հոդված 5)՝ հեռացվել։ Նաև փոփոխություններ են կատարվել մի շարք հոդվածներում և նախաբանում, հաղորդում են ադրբեջանական լրատվամիջոցները։
Մինչ փոփոխությունները՝ Նախիջևանի Սահմանադրության նախաբանում ասվում էր, որ Նախիջևանի ինքնավարության հիմքերը դրվել են 1921 թվականի մարտի 16-ի Մոսկվայի և 1921 թվականի հոկտեմբերի 13-ի Կարսի միջազգային պայմանագրերով։ Փոփոխության մեջ նշվում է, որ Նախիջևանի Ինքնավար Հանրապետությունն Ադրբեջանի Հանրապետության անբաժանելի մասն է։ Այսպիսով, պայմանագրերը բացառվել են Սահմանադրությունից։
Ադրբեջանի Սահմանադրության 134-րդ հոդվածի III մասում նշված դրույթը, որ Նախիջևանի Ինքնավար Հանրապետությունն Ադրբեջանի Հանրապետության անբաժանելի մասն է, կարտացոլվի նաև Նախիջևանի Ինքնավար Հանրապետության Սահմանադրության նախաբանում։
Նախատեսվում են նաև մի շարք տեխնիկական փոփոխություններ՝ Ադրբեջանի Սահմանադրության ադապտացման, հստակեցման և տեխնիկական փոփոխությունների համար։
Նշվում է, որ Ադրբեջանի նախագահի մեկ այլ հրամանով՝ նախարարների կաբինետին հանձնարարվել է եռամսյա ժամկետում պատրաստել և նախագահին ներկայացնել օրենքներն ու օրենսդրական նակտերը «Նախիջևանի Ինքնավար Հանրապետության Սահմանադրության փոփոխությունները հաստատելու մասին» սահմանադրական օրենքին համապատասխանեցնելու առաջարկներ։
Թարգմանությունը՝ Էմմա Չոբանյանի
