26.06.2026 | 23:30
Հունիսի 29-ին Հայաստանի մի շարք հասցեներում էլեկտրաէներգիայի անջատումներ կլինեն
Թրամփը սպառնում է Իրանին «աննախադեպ ուժով», եթե այն արգելափակի նավթի հոսքը Հորմուզի նեղուցով
Քաղաքականություն
10.03.2026 | 11:33
ԱՄՆ նախագահ Դոնալդ Թրամփը կրկնապատկում է իր սպառնալիքը՝ աննախադեպ ուժով հարվածել Իրանին, եթե այն դադարեցնի նավթի հոսքը Հորմուզի նեղուցով։
«Եթե Իրանը որևէ բան անի, որը կկանգնեցնի նավթի հոսքը Հորմուզի նեղուցով, նրանց հարված կհասցվի Ամերիկայի Միացյալ Նահանգների կողմից քսան անգամ ավելի ուժեղ, քան մինչ այժմ։ Բացի այդ, մենք կխփենք հեշտությամբ ոչնչացվող թիրախներ, որոնք գործնականում անհնար կդարձնեն Իրանի վերականգնումը որպես ազգ, մահը, կրակը և զայրույթը կտիրեն նրանց վրա։ Բայց ես հույս ունեմ և աղոթում եմ, որ դա տեղի չունենա»,- գրել է Թրամփը Truth Social-ում՝ պնդելով, որ ԱՄՆ-ի սպառնալիքը «նվեր է Չինաստանին և բոլոր այն երկրներին, որոնք ակտիվորեն օգտագործում են Հորմուզի նեղուցը»։
Իրանի զինված ուժերն էլ հայտարարում են, որ թույլ չեն տա նավթ արտահանել տարածաշրջանից Միացյալ Նահանգների և Իսրայելի դաշնակիցներին, քանի դեռ պատերազմը շարունակվում է։ Այս մասին ասել է Իսլամական հեղափոխության պահապանների կորպուսի խոսնակը։
«Իրանի զինված ուժերը թույլ չեն տա տարածաշրջանից թշնամական կողմին և նրա գործընկերներին նույնիսկ մեկ լիտր նավթ արտահանել՝ մինչև հետագա ծանուցում»,- ասել է Ալի Մոհամմադ Նաինին։
Նա հավելել է, որ ցանկացած փոփոխություն տեղի կունենա հակամարտության պայմաններից ելնելով։
Թարգմանությունը՝ Էմմա Չոբանյանի
