17.08.2026 | 23:08
Զորականում և Ամասիայում շչակներ են փորձարկվելու
Ֆրանսիան ռազմանավեր կուղարկի Հորմուզի նեղուց՝ նավարկության անվտանգությունը ապահովելու համար
Քաղաքականություն
09.03.2026 | 23:26
Ֆրանսիայի նախագահ Էմանուել Մակրոնը հայտարարել է, որ Ֆրանսիան և նրա գործընկերները պատրաստվում են պաշտպանական առաքելություն իրականացնել՝ Հորմուզի նեղուցով նավարկության անվտանգությունը ապահովելու համար։
Մակրոնի խոսքով՝ առաքելությունը նախատեսված է նավթատար լցանավերի ուղեկցման համար և կսկսվի հակամարտության ամենասուր փուլի ավարտից հետո։
Meduza.iօ-ի փոխանցմամբ՝ գործողությանը նախատեսվում է ներգրավել «Շառլ դը Գոլ» ավիակիրն, ինչպես նաև ութ ֆրեգատ և երկու դեսանտային ուղղաթիռակիր։ Ֆրանսիայի նախագահը նշել է, որ առաքելությունն իրականացվելու է մի շարք այլ երկրների հետ համատեղ, սակայն չի հստակեցրել, թե որ պետություններն են մասնակցելու դրան։
Հորմուզի նեղուցով անցնում է համաշխարհային ծովային նավթային մատակարարումների մինչև մեկ հինգերորդը։ Իրանը հակամարտության սկսվելուց հետո հայտարարել էր, որ կարող է փակել նեղուցը, ինչի ֆոնին էներգակիրների համաշխարհային գները կտրուկ աճել են։
Ֆրանսիան և Եվրամիության մի շարք այլ երկրներ Պարսից ծոցի երկրներից գազի և նավթի հիմնական գնորդներից են։ Այդ պատճառով տարածաշրջանից մատակարարումների երկարատև խափանումները և գների կտրուկ աճը նրանց համար կարող են ունենալ զգալի ազդեցություն։
