27.10.2026 | 14:11
Բրյանսկում ուկրաինական հարվածների հետևանքով 2 մարդ է զոհվել, ևս 6-ը՝ վիրավորվել
Լիբանանում խորհրդարանական ընտրությունները երկու տարով հետաձգվել են Իսրայելի հարձակման պատճառով
Քաղաքականություն
09.03.2026 | 16:56
Լիբանանի խորհրդարանը երկու տարով հետաձգել է երկրի օրենսդիր մարմնի ընտրությունները՝ Իսրայելի և «Հըզբոլլահ»-ի միջև շարունակվող պատերազմի պատճառով, հայտարարել է խորհրդարանի խոսնակ Նաբիհ Բըրրին։ Պաշտոնյան այս որոշման մասին հայտարարել է այն բանից հետո, երբ օրենսդիրները հաստատել են հետաձգումը՝ հղում անելով անվտանգության իրավիճակի վատթարացմանը, գրում է MEE-ը։
Նշվում է, որ խորհրդարանը մեծամասնությամբ՝ 76 ձայնով կողմ են արտահայտվել մայիսին նախատեսված ընտրությունները երկու տարով հետաձգելու օգտին։ 41 պատգամավոր դեմ է քվեարկել, իսկ 4-ը՝ ձեռնպահ։
Կիրակի Լիբանանի առողջապահության նախարարությունը հայտնել է, որ մարտի 2-ից ի վեր Լիբանանում Իսրայելի հարվածների հետևանքով զոհվել է շուրջ 400 մարդ, այդ թվում՝ առնվազն 83 երեխա և 42 կին։
Երկուշաբթի Իսրայելի զինված ուժերը շարունակել են ավիահարվածները Բեյրութի՝ «Հըզբոլլահի» կողմից վերահսկվող հարավային արվարձաններում՝ ծխի սյուներ տարածելով ամբողջ քաղաքում։
Թարգմանությունը՝ Էմմա Չոբանյանի
