27.10.2026 | 23:30
Հայաստանի, Ադրբեջանի և Վրաստանի դեսպանները քննարկել են Հարավային Կովկասի խաղաղության և կայունության ամրապնդման հարցերը
Ֆինն Գերագուսյանն առաջին անգամ ընդգրկվել է «Սանդերլենդի» հայտացուցակում
09.03.2026 | 12:40
Հայաստանի ազգային հավաքականի նորեկ Ֆինն Գերագուսյանն առաջին անգամ ընդգրկվել է անգլիական «Սանդերլենդի» գլխավոր թիմի հայտացուցակում։
Անգլիայի գավաթի խաղարկության 1/8 եզրափակիչում «Սանդերլենդը» հյուրընկալվելիս նվազագույն հաշվով պարտվել է Առաջին լիգան ներկայացնող «Պորտ Վեյլին» ու դուրս մնացել պայքարից։ Ֆինն Գերագուսյանը եղել է հյուրերի հայտացուցակում, սակայն խաղաժամանակ չի ստացել։
18-ամյա հարձակվողն ընթացիկ մրցաշրջանում 13 գոլ է խփել «Սանդերլենդի» տարբեր տարիքային թիմերում։ Օրեր առաջ Գերագուսյանն առաջին անգամ հրավիրվել էր Հայաստանի ազգային հավաքական՝ մասնակցելու Արաբական Միացյալ Էմիրությունների (մարտի 26) ու Բելառուսի (մարտի 29) դեմ ընկերական խաղերին։ Անցյալ տարի հարձակվողը նորամուտն էր նշել նաև Հայաստանի երիտասարդական հավաքականում, որի կազմում մասնակցել է երկու խաղի։
