29.10.2026 | 21:10
Ինչ արել եմ, տեղին եմ արել․ Գառնիկ Դավթյան. ՏԵՍԱՆՅՈՒԹ
44 %-ից՝ 21 %. ազգային անվտանգային խնդիրների սրության ընկալումը կիսով չափ նվազել է․ IRI հարցում․ ՏԵՍԱՆՅՈՒԹ
Քաղաքականություն
06.03.2026 | 13:17
Որոնք են հիմնական խնդիրները, որոնք այսօր առկա են Հայաստանում․ IRI-ի 2026 թվականի փետրվարի հարցման համաձայն՝ «Ազգային անվտանգությունը և սահմանային խնդիրներ» կետն առաջին տեղում է․ հարցվածների 21 %-ը այն առաջնային խնդիր է համարել։
Եթե դիտարկենք 2023 թվականի դեկտեմբերից մինչև 2025 թվականի հունիսն ընկած ժամանակահատվածում առկա պատկերը, ապա այդ ընթացքում ազգային անվտանգությունը եղել է բացարձակ առաջնային խնդիր՝ կայուն մնալով 41 %-44 % միջակայքում:
Ստացվում է այս տարվա փետրվարին արձանագրվել է ցուցանիշի կտրուկ անկում՝ հասնելով 21 %-ի (նվազումը կազմել է ավելի քան երկու անգամ)։ Սակայն 21 %-ով էլ այն շարունակում է մնալ որպես առանձին վերցված ամենաշատ նշվող առաջնային խնդիրը։
Եթե 2023-2025 թթ. հանրային ընկալումներում գերիշխում էր բացառապես մեկ խնդիր՝ անվտանգություն, ապա 2026 թ. փետրվարի դրությամբ պատկերը փոխվել է. անվտանգության խնդրի սրության ընկալումը նվազել է, ինչին զուգահեռ առաջին պլան են մղվել և աճ են գրանցել սոցիալ-տնտեսական և կենսապահովման (աշխատանք, եկամուտներ, գներ) խնդիրները։
Գործազրկության հիմնախնդիրը 14 %-ից բարձրացել է 18 %-ի (մոտենալով 2023 թ. դեկտեմբերի 19 % ցուցանիշին):
Ցածր աշխատավարձի խնդիրը 7 %-ից դարձել է 9 %:
Ցածր թոշակներ նշողների տոկոսը կրկնապատկվել է՝ 4 %-ից դառնալով 8 %:
Բարձր գների խնդիրը մնացել է գրեթե նույն մակարդակին (10-11 %) ողջ դիտարկված ժամանակահատվածում:
Հարցումն անցկացվել է 2026 թվականի փետրվարի 3-ից 13-ը։ Ընտրանքը կազմված է 18 տարին լրացած 1506 ՀՀ քաղաքացիներից և Լեռնային Ղարաբաղից բռնի տեղահանված ԼՂ նախկին բնակիչներից, որոնք այժմ բնակվում են Հայաստանում (որոնք կարող են լինել կամ չլինել քաղաքացիներ)։
Այն քաղաքացիները, որոնք ապրել են Հայաստանում ավելի քիչ, քան 6 ամիս, չեն ներառվել ընտրանքում։
Անի Թամրազյան
