27.10.2026 | 23:30
Հայաստանի, Ադրբեջանի և Վրաստանի դեսպանները քննարկել են Հարավային Կովկասի խաղաղության և կայունության ամրապնդման հարցերը
Էդուարդ Սպերցյանը բարձրաձայնել է ռասիզմի մասին ու «կրկես» որակել թիմակցի հեռացումը․ ՏԵՍԱՆՅՈՒԹ
05.03.2026 | 11:47
«Կրասնոդարի» ավագ Էդուարդ Սպերցյանը դժգոհ է մնացել Մոսկվայի ԲԿՄԱ-ի դեմ Ռուսաստանի գավաթի խաղարկության կիսաեզրափակիչի առաջին հանդիպման մրցավարությունից ու մրցակցի երկրպագուների վարքից։ Հայաստանի ազգային հավաքականի կիսապաշտպանի խոսքով, ԲԿՄԱ-ի երկրպագուները ռասիստական բնույթի արտահայտություններ են հնչեցրել «Կրասնոդարի» կոլումբացի հարձակվող Ջոն Կորդոբայի հասցեին։
«Դարձյալ առաջին պլանում ֆուտբոլը չէ։ Ունեմ խնդրանք, որ ուսումնասիրեն ԲԿՄԱ-ի տրիբունաների վարքը։ Նրանք ռասիստական բնույթի արտահայտություններ են արել մեր եղբայր Կորդոբայի հասցեին։ Հուսով եմ՝ այս անգամ ոչ ոք չի լռի։
Գոնսալեսի հեռացումը սարսափելի է։ Նման բան պետք է տեղի չունենա»,- Էդուարդ Սպերցյանի խոսքը մեջբերում է Sport24-ը։
Մոսկվայում կայացած խաղում Էդուարդ Սպերցյանը փոխարինման է մտել 43-րդ րոպեին, իսկ Ռուսաստանի չեմպիոն «Կրասնոդարը» պարտվել է 1։3 հաշվով։
Հայ կիսապաշտպանը նաև տելեգրամյան ալիքում անդրադարձել է «Կրասնոդարի» ուրուգվայցի պաշտպան Ջովանի Գոնսալեսի հեռացմանը՝ այն որակեոլով «կրկես»։
