Աֆղանստանի քաղաքացիների երկու խումբ փորձել է Իրանից Արաքս գետով անցնել Հայաստան

Աֆղանստանի քաղաքացիների երկու խումբ փորձել է Իրանից Արաքս գետով անցնել Հայաստան։ Այս մասին Factor TV-ի հետ զրույցում հայտնեցին Քննչական կոմիտեից․

«Աֆղանստանի Իսլամական Էմիրության 2 խումբ քաղաքացիների կողմից 2026 թվականի փետրվարի 20-ին Իրանի Իսլամական Հանրապետության տարածքից Արաքս գետով հայ-իրանական պետական սահմանը հատելու և ապօրինի ՀՀ տարածք մուտք գործելու դեպքերի առթիվ 2026 թվականի փետրվարի 21-ին ՀՀ ՔԿ Սյունիքի մարզային քննչական վարչությունում ՀՀ քրեական օրենսգրքի 469-րդ հոդվածի 3-րդ մասի 2-րդ կետի հատկանիշներով (Պետական սահմանն ապօրինի հատելը մի խումբ անձանց կողմից նախնական համաձայնությամբ) նախաձեռնվել է երկու քրեական վարույթ, որոնց նախաքննությունը շարունակվում է ՀՀ քննչական կոմիտեի պետության, սահմանադրական կարգի հիմունքների և հասարակական անվտանգության դեմ ուղղված հանցագործությունների քննության գլխավոր վարչությունում»։

Factor TV-ի հստակեցնող հարցին, թե՝ սա վերջին օրերի միակ դեպքն է, Կոմիտեն մանրամասներ չհայտնեց։

Հիշեցնենք՝ փետրվարի 28-ի առավոտյան Իսրայելն ու Միացյալ Նահանգները սկսեցին  հարվածներ հասցնել Թեհրանին և Իրանի այլ հատվածներին։ Հարվածների հենց առաջին օրը սպանվեցին հոգևոր առաջնորդ այաթոլա Ալի Խամենեին, նաև՝ բարձրաստիճան այլ պաշտոնյաներ։  Ի պատասխան՝ Իրանը հարվածներ է հասցնում Իսրայելի տարածքին և Մերձավոր Արևելքում գտնվող ԱՄՆ ռազմական բազաներին։ Իսրայելում հայտարարվել է արտակարգ դրություն։ 

Ռոզա Վարդանյան