18.08.2026 | 09:25
ՀՀ տարածքում ավտոճանապարհներն անցանելի են
Իրանական հրթիռը հարվածել է Կատարում ամերիկյան ռազմաբազային
Քաղաքականություն
04.03.2026 | 12:46
Կատարը երկու իրանական բալիստիկ հրթիռների հարձակման թիրախ է դարձել։ Դրանցից մեկը որսացել է Կատարի հակաօդային պաշտպանության համակարգը, իսկ մյուսը հարվածել է ԱՄՆ-ի Ալ Ուդեյդ ավիաբազային, որը տարածաշրջանում ամենամեծ ամերիկյան բազան է։ Այս մասին հայտնել է Կատարի Պաշտպանության նախարարությունը, գրում է BBC-ն։
Երկրի իշխանությունները հաղորդում են, որ զոհեր չկան։
Իսրայելը, իր հերթին, հարվածել է Թեհրանում տասնյակ ռազմական թիրախների, հայտարարել է Իսրայելի բանակի խոսնակ Ավիխայ Ադրային։ Նրա խոսքով՝ հարվածները թիրախավորել են Բասիջի՝ Իրանի Իսլամական հեղափոխության պահապանների կորպուսի հետ կապված կիսառազմական ուժի կենտրոնակայանը։
Բացի այդ, ըստ հայտարարության, հարվածներ են հասցվել հրթիռային կայանքներին և հակաօդային պաշտպանության համակարգերին, ինչպես նաև «ռեժիմի ցամաքային ուժերին կապված մատակարարման և լոգիստիկայի վարչությանը»։
Իսրայելցի զինվորական պաշտոնյան հավելել է, որ բանակը կշարունակի «ուժեղացնել հարվածները» ենթակառուցվածքների վրա։
Թարգմանությունը՝ Էմմա Չոբանյանի
