02.03.2026 | 18:50
Ինչո՞ւ Հայաստանի մի քանի հարյուր դպրոցներում տնօրեններ չկան․ ԿԳՄՍՆ-ն գաղտնի է պահում մասնագիտական հանձնաժողովների կազմը
Թբիլիսիի քաղաքապետ Կախա Կալաձեն չի կարողանում վերադառնալ Աբու Դաբիից՝ «ստեղծված իրավիճակի պատճառով»
Քաղաքականություն
02.03.2026 | 16:06
Թբիլիսիի քաղաքապետ Կախա Կալաձեն հանգստյան օրերին Աբու Դաբիում է եղել և ներկայում չի կարողանում վերադառնալ Վրաստան՝ «ստեղծված իրավիճակի պատճառով», հաղորդել է Թբիլիսիի քաղաքապետարանի մամուլի ծառայությունը։
Ավելի վաղ «Թաբուլա» թերթը հայտնել էր, որ Կալաձեն մնացել է Արաբական Միացյալ Էմիրություններում (ԱՄԷ), ուր գնացել էր՝ ծննդյան օրը նշելու: Հաղորդվել էր, որ Կալաձեի հետ են նաև նրա կինը՝ Անուկի Արեշիձեն, և Վրաստանի ֆուտբոլի ֆեդերացիայի ղեկավար Լևան Կոբիաշվիլին։
Մերձավոր Արևելքում, այդ թվում՝ ԱՄԷ-ում, ավիափոխադրումները դադարեցվել են Իրանում ԱՄՆ-ի և Իսրայելի ռազմական գործողությունների և Թեհրանի կողմից հարևան երկրների դեմ պատասխան հրթիռակոծությունների պատճառով։
Փետրվարի 27-ին Կախա Կալաձեն դարձել է 48 տարեկան։ Մինչ քաղաքականություն մտնելը՝ նա ֆուտբոլիստ էր, խաղացել է «Միլան»-ում, դրանից առաջ՝ Թբիլիսիի և Կիևի «Դինամո»-ում։ Կալաձեն 15 տարի հանդես է եկել Վրաստանի ազգային հավաքականում։
Թարգմանությունը՝ Էմմա Չոբանյանի
