25.04.2026 | 13:54
Վաշինգտոնում, Չարլզ III թագավորի այցից առաջ, սխալմամբ Բրիտանական դրոշի փոխարեն կախել են Ավստրալիայի դրոշը
Վաշինգտոնը ձգտում է ավարտել Ռուսաստանի և Ուկրաինայի միջև պատերազմը մինչև հուլիսի 4-ը՝ ԱՄՆ Անկախության օրը. Bloomberg
Քաղաքականություն
24.02.2026 | 22:59
Պաշտոնական Վաշինգտոնը ձգտում է հասնել Ռուսաստանի և Ուկրաինայի միջև խաղաղության համաձայնագրի կնքման վրա մինչև հուլիսի 4-ը՝ ԱՄՆ Անկախության օրը, հաղորդում է Bloomberg-ը՝ հղում անելով եվրոպացի և ՆԱՏՕ-ի պաշտոնյաներին։
Գործակալության աղբյուրները նշում են, որ չկա որևէ նշան, որ Ռուսաստանի նախագահ Վլադիմիր Պուտինը պատրաստ է գործարք կնքել, գրում է Meduza-ն։ Սպիտակ տունը չի արձագանքել Bloomberg-ի մեկնաբանության խնդրանքին։
CNN-ին տված հարցազրույցում Ուկրաինայի նախագահ Վլադիմիր Զելենսկին հայտարարել էր, որ Թրամփը ցանկանում է, որ Կիևը խաղաղության համաձայնագիր ստորագրի Ռուսաստանի հետ և գործարք՝ Միացյալ Նահանգների և եվրոպական երկրների հետ, որը Ուկրաինային կտրամադրի անվտանգության երաշխիքներ։ Սա պետք է տեղի ունենա միաժամանակ, ցանկալի է՝ մեծ արարողության ժամանակ։
2026 թվականի հուլիսի 4-ին կնշվի ԱՄՆ անկախության 250-ամյակը։
Դեռ փետրվարի 7-ին Զելենսկին հայտարարել էր, որ ԱՄՆ-ն առաջարկում է Ուկրաինային և Ռուսաստանին դադարեցնել պատերազմը մինչև ամռան սկիզբ։ «Ինչո՞ւ հենց այս ամռանը։ Մենք հասկանում ենք, որ ներքին հարցերը Ամերիկայում ազդեցություն ունեն և, հավանաբար, ավելի հրատապ կդառնան նրանց համար [կոնգրեսի միջանկյալ ընտրությունների նախաշեմին]», – նշել էր նա։
Թարգմանությունը՝ Էմմա Չոբանյանի
