06.10.2026 | 10:00
ԱԺ քառօրյայի մեկնարկը` ՈՒՂԻՂ
19-ամյա երիտասարդի սպանության գործով երկու անձ կալանավորվել է
23.02.2026 | 10:30
Սևանում 19-ամյա երիտասարդի սպանության գործով երկու անձ կալանավորվել է։ Այս մասին Factor TV-ի հարցմանն ի պատասխան հայտնեցին Գլխավոր դատախազությունից.
«Փետրվարի 21-ին ՀՀ քրեական օրենսգրքի 155-րդ հոդվածի 1-ին մասի հատկանիշներով նախաձեռնվել է քրեական վարույթ։ Նույն օրը ՀՀ քրեական օրենսգրքի 155-րդ հոդվածի 1-ին մասի հատկանիշներով Ն. Մ.-ի և Ա. Մ.-ի նկատմամբ հարուցվել է հանրային քրեական հետապնդում: Որպես խափանման միջոց է ընտրվել կալանավորումը՝ 1 ամիս ժամկետով»։
Հիշեցնենք՝ փետրվարի 21-ի կեսօրին Սևանի կենտրոնական հրապարակում դանակահարություն էր տեղի ունեցել։ Ըստ նախնական տեղեկությունների՝ Արամ Խաչատրյանին զանգահարել և հանդիպման են կանչել Սևանում, որտեղ էլ երիտասարդները դանակի հարվածներ են հասցրել նրան։ Խաչատրյանը ծայրահեղ ծանր վիճակում տեղափոխվել էր Սևանի բժշկական կենտրոն, որտեղ գիտակցության չգալով՝ մահացել էր։
Ռոզա Վարդանյան
