28.10.2026 | 23:00
Հայաստան–Զիմբաբվե համագործակցությունը՝ ԱԲ-ի և տեխնոլոգիական կրթության ոլորտներում
Իրանը հայտարարել է, որ ԱՄՆ-ի հետ միջուկային համաձայնագրի նախագիծը պատրաստ կլինի «առաջիկա երկու-երեք օրերին»
Քաղաքականություն
20.02.2026 | 20:51
Իրանի արտաքին գործերի նախարար Աբբաս Արաղչին հայտարարել է, որ Թեհրանը պատրաստ կլինի առաջիկա օրերին ներկայացնել իր միջուկային համաձայնագրի ծրագիրը Միացյալ Նահանգներին, այն բանից հետո, երբ նախագահ Դոնալդ Թրամփը սպառնում է ռազմական գործողություններ ձեռնարկել, գրում է France 24-ը։
«Ինձ համար հաջորդ քայլը հնարավոր համաձայնագրի նախագիծը ներկայացնելն է ԱՄՆ-ում իմ գործընկերներին։ Ես կարծում եմ, որ առաջիկա երկու-երեք օրվա ընթացքում այն պատրաստ կլինի, և իմ ղեկավարների կողմից վերջնական հաստատումից հետո կփոխանցվի Սթիվ Ուիթկոֆին»,- ասել է Արաղչին MSNBC ամերիկյան հեռուստաալիքի «Morning Joe» հաղորդմանը տված հարցազրույցում։
Նա նաև հայտարարել է, որ ամերիկացի բանակցողները Թեհրանին չեն խնդրել դադարեցնել ուրանի հարստացման ծրագիրը, ինչը հակասում է ամերիկացի պաշտոնյաների հայտարարություններին։
«Մենք որևէ կասեցում չենք առաջարկել, և ամերիկյան կողմը զրոյական հարստացում չի խնդրել»,- ասել է Արաղչին։
Ավելի վաղ ԱՄՆ նախագահ Դոնալդ Թրամփը վերսկսել էր Իրանի դեմ իր սպառնալիքները՝ նշելով, որ Թեհրանը 10-15 օր ունի՝ Վաշինգտոնի հետ համաձայնության գալու համար, հակառակ դեպքում՝ կբախվի ռազմական հարվածների։
Թարգմանությունը՝ Էմմա Չոբանյանի
