ԹԵԺ ԲԱՆԱՎԵՃ․ Փաշինյանի և Գարեգին Բ-ի սուր առճակատումը նոր երանգ ստացավ․ ի՞նչ հանգուցալուծում կլինի

Ավստրիայում կայացավ ոչ թե Եպիսկոպոսաց ժողով, այլ՝ Եպիսկոպոսաց հավաք․ հավաք, և ոչ թե ժողով, քանի որ Գարեգին Բ կաթողիկոսը չկարողացավ դրան մասնակցել, նա հայտնվել է մեղադրյալի աթոռին՝ դատական ակտի կատարմանը խոչընդոտելու մեղադրանքով։ Հավաքի արդյունքներով մասնակիցները կոչ են անում ՀՀ իշխանություններին՝ «դադարեցնել Եկեղեցու հանդեպ հալածանքները և հարգել Եկեղեցու՝ դարերով ամրագրված ինքնիշխանությունն ու ինքնավարությունը, վերջ դնել շինծու մեղադրանքներով ու զրպարտություններով եկեղեցականների ու ազգընտիր կաթողիկոսի դեմ բռնաճնշումներին», ազատ արձակել կալանավորված եկեղեցականներին:

Վարչապետ Նիկոլ Փաշինյանն էր օրեր առաջ հայտարարել, որ փորձ է արվելու Հայոց կաթողիկոսությունը դուրս բերել ՀՀ-ից՝ Էջմիածնի գանձերի հետ միասին և խոստացել էր դա կանխել։ Ո՛չ միայն Գարեգին Բ-ի ելքն է արգելված, այլև՝ 6 հոգևորականների։ Ինչ հանգուցալուծում սպասել, արդյոք Գարեգին Բ-ն կհեռանա Մայր աթոռից, թե աշխարհիկ իշխանության հետքայլին սպասել․ Factor TV-ի տաղավարում հրավիրել ենք քննարկում, որին մասնակցում են Գարեգին Միսկարյանը՝ «+374» քաղաքական ինքնորոշման ակումբի նախագահ, Հովսեփ Ղազարյանը՝ «Դեմ եմ բոլորին» շարժման անդամ, Արսեն Բաբայանը՝ «Հայրենիք» կուսակցության անդամ, փաստաբան, Առնոլդ Բլեյանը՝ «Հանուն Հանրապետության» կուսակցության անդամ, Հրայր Մանուկյանը՝ Ուտրեխտի համալսարանի հետազոտող, քաղաքագետ։

Հաղորդումն ամբողջությամբ՝ տեսանյութում։

Ռոբերտ Անանյան