27.10.2026 | 23:30
Հայաստանի, Ադրբեջանի և Վրաստանի դեսպանները քննարկել են Հարավային Կովկասի խաղաղության և կայունության ամրապնդման հարցերը
Նրանք ընկերացել են. Թրամփը՝ Փաշինյանի և Ալիևի մասին. ՏԵՍԱՆՅՈՒԹ
Քաղաքականություն
19.02.2026 | 19:45
ԱՄՆ նախագահ Դոնալդ Թրամփը Վաշինգտոնում անցկացվող Խաղաղության խորհրդի առաջին նիստի ընթացքում կրկին Հայաստանի ու Ադրբեջանի միջև խաղաղության գործընթացին է անդրադարձել։ Թրամփը դիմել է Հայաստանի վարչապետ Նիկոլ Փաշինյանին ու Ադրբեջանի նախագահ Իլհամ Ալիևին։
«Դուք սովորեցիք 30 տարի կռվելուց հետո [խաղաղ ապրել]։ Դու և քո ընկերը հիանալի բան եք արել։ Նրանք եկան իմ գրասենյակ և ասացին՝ ես կռվել եմ 22 տարի, մյուս ջենթլմենն ասաց՝ 7 տարի։ Ես կարծում եմ՝ նրանք ընկերացել են, այնպես չէ՞։ Ոտքի կանգնեք։ Նրանք շատ բարդ էին։ Նրանք բարդ, բայց լավ մարդիկ են»,- դիմել է Թրամփը Փաշինյանին ու Ալիևին։
Նա պատմել է, որ Օվալաձև աշխատասենյակում մեկը մի անկյունում էր նստած, մյուսը՝ մեկ այլ։
«Ես ասացի՝ կարող եք միմյանց ավելի մոտենալ։ Մեկ ժամից մենք արեցինք գործարքը, նրանք գրկախառնվեցին, ստորագրեցին, մենք ունեցանք խաղաղություն»,- ասել է ԱՄՆ նախագահը։
Թարգմանությունը՝ Էմմա Չոբանյանի
