22.05.2026 | 23:50
Անդրանիկ Թևանյանի նկատմամբ հարուցվել է քրեական հետապնդում պետական դավաճանության հանցակազմի հատկանիշներով
ԱՄՆ-ն Վրաստանում ռազմական օդանավակայան կկառուցի
Քաղաքականություն
12.11.2018 | 22:17
ԱՄՆ-ն Թբիլիսի մերձակայքում գտնվող «Վազիանի» բազայի հիման վրա ռազմական օդանավակայան կկառուցի: «Взгляд»-ի թղթակցի փոխանցմամբ՝ այս մասին հաղորդել է Վրաստանի ՊՆ-ն:
Նման նախաձեռնությամբ հանդես է եկել Վրաստան այցելած ԱՄՆ Զինված ուժերի տրանսպորտային հրամանատարության ղեկավար, գեներալ Սթիվեն Լայոնսը, որը հանդիպել է Վրաստանի պաշտպանության նախարար Լևան Իզորիայի և վարչապետ Մամուկա Բախտաձեի հետ:
Իզորիայի խոսքով՝ ռազմաբազան կառուցվելու է Վրաստանի և ՆԱՏՕ-ի համագործակցության շրջանակում: Վրացական ռազմական գերատեսչությունում, սակայն, չեն նշում, թե երբ այն կկառուցվի և որքան կարժենա ԱՄՆ-ին:
Հատկանշական է, որ նախկինում «Վազիանի»-ում ռուսական ռազմաբազա էր տեղակայված:
Նշենք նաև, որ մինչ Թբիլիսի ժամանելը գեներալ Սթիվեն Լայոնսը եղել է Բաքվում, որտեղ հանդիպել է Ադրբեջանի նախագահ Իլհամ Ալիևի, այդ երկրի ԶՈՒ գլխավոր շտաբի պետ, գեներալ Նեջմեդդին Սադիկովի հետ:
