22.04.2026 | 23:30
ՀՀ տարածքում ավտոճանապարհները հիմնականում անցանելի են
Հիմնավոր տեղեկություններ կան. Արթուր Հովհաննիսյանը` Մայր Աթոռը ՀՀ-ից տեղափոխելու հարցի մասին․ ՏԵՍԱՆՅՈՒԹ
Քաղաքականություն
16.02.2026 | 12:53
«Ես հիշում եմ՝ երբ հոգևոր բարձրաստիճան որոշ շրջանակի վերաբերյալ խոսակցությունները սկսվեցին, էս նույն հետաքրքրությամբ հարցադրումներ էին հնչում, թե արդյո՞ք կան փաստեր, այս ինչ եք ասում, սենց շոկի էինք ենթարկվել… Որոշ ժամանակ անց բոլոր փաստերը երևան եկան»,- ԱԺ-ում պատգամավորների հետ ճեպազրույցի ընթացքում Factor TV-ի հարցին ի պատասխան նշեց «Քաղաքացիական պայմանագիր» խմբակցության քարտուղար Արթուր Հովհաննիսյանը՝ խոսելով Մայր Աթոռը ՀՀ-ից տեղափոխելու տեղեկության մասին վարչապետ Նիկոլ Փաշինյանի հայտարարության վերաբերյալ։
Նրա խոսքով՝ իշխանության, հատկապես վարչապետի արած որևէ հայտարարություն չի կարող իր տակ հիմնավորումներ չունենալ:
«Եթե մեր կողմից հնչել է հայտարարություն, որ Վեհարանի, Վեհարանի հոգևոր բարձրաստիճան ներկայացուցիչների մի շրջանակ փորձում է Կաթողիկոսությունը տեղափոխել Հայաստանի Հանրապետությունից, Էջմիածնի գանձերն էլ հետը, ուրեմն մենք դրա վերաբերյալ ունենք շատ հիմնավոր տեղեկություններ։ Այդ տեղեկություններն արդյոք այնքան են հասունացել, որ պետք է վերածվեն քրեական գործի կամ իրավական հետապնդման, այդ հարցի պատասխանը ես այս պահին չունեմ, այդ հարցի պատասխանը մենք բոլորս կստանանք, երբ որ իրականության մեջ նման բան տեղի կունենա։ Բայց հարցին, թե արդյոք կան հիմնավորումներ, որ դուք նման բան եք հայտարարում՝ կան հիմնավորումներ, էն էլ ինչ հիմնավորումներ կան, և դրա մասին պատեհ պահին բոլորդ կիմանաք»,- նշեց նա։
Մանրամասները՝ տեսանյութում։
