09.02.2026 | 14:53
Վենսը ժամանում է Հայաստան․ ինչ է սպասվում․ զրույց Սոնա Ղազարյանի հետ․ ՏԵՍԱՆՅՈՒԹ
Պարեկները հետապնդել են հարբած վարորդին, բռնել ու զրկել վարորդական իրավունքից․ ՏԵՍԱՆՅՈՒԹ
Հասարակություն
09.02.2026 | 12:40
Շաբաթ երեկոյան համացանցում տարածվեց տեսանյութ, թե ինչպես են պարեկները մի քանի մեքենայով հետապնդում մարդատար ավտոմեքենան և վարորդին «կանգառ» հրահանգ տալիս։ Տեսանյութից ակնհայտ է, որ քաղաքացին չի ենթարկվում պարեկային ծառայողների հրահանգին։
Factor.am-ը երեկ փորձել էր այս միջադեպի վերաբերյալ պարզաբանում ստանալ Պարեկային ծառայության ղեկավար Արթուր Խուդինյանից, որը ներկա էր Արաբկիրի Սուրբ Խաչ եկեղեցում Փաշինյանի մասնակցությամբ պատարագին, սակայն նա հորդորել էր տեղեկությունը ճշտել ՆԳՆ լրատվականից։
Այսօր ՆԳՆ մամուլի խոսնակ Նարեկ Սարգսյանը Factor.am-ին հայտնեց, որ պարեկային ծառայողները Էրեբունի վարչական շրջանի փողոցներից մեկում նկատել են ոչ սթափ վիճակում մեքենա վարող վարորդի, որին առաջարկել են կանգնեցնել մեքենան։ Ըստ խոսնակի՝ վարորդը եղել է մեծ քանակությամբ ալկոհոլի ազդեցության տակ և չի ենթարկվել պարեկների օրինական պահանջին, շարունակել է մեքենան վարել խախտումներով։ Նարեկ Սարգսյանը տեղեկացրեց, որ պարեկներին հաջողվել է կանգնեցնել մարդատարը, վարորդը զրկվել է վարորդական իրավունքից։
Նարեկ Կիրակոսյան
