27.10.2026 | 23:30
Հայաստանի, Ադրբեջանի և Վրաստանի դեսպանները քննարկել են Հարավային Կովկասի խաղաղության և կայունության ամրապնդման հարցերը
Ստյոպա Մկրտչյանը` «Նյուրնբերգի» ֆուտբոլիստ
02.02.2026 | 22:42
Հայաստանի ազգային հավաքականի և խորվաթական «Օսիեկի» պաշտպան Ստյոպա Մկրտչյանը կարիերան կշարունակի գերմանական «Նյուրնբերգում», հաղորդում է ակումբի մամուլի ծառայությունը։
Կողմերը կնքել են պայմանագիր, որի մանրամասները չեն հաղորդվում։
Transfermarkt-ի տվյալներով, գերմանական ակումբը 800 հազար եվրո է վճարել 22-ամյա ֆուտբոլիստի տրանսֆերային իրավունքը ձեռք բերելու համար։
«Նյուրնբերգի» գլխավոր մարզիչը Գերմանիայի հավաքականի ու Մյունխենի «Բավարիայի» նախկին հարձակվող Միրոսլավ Կլոզեն է։ Թիմը հանդես է գալիս 2-րդ Բունդեսլիգայում, որի 20-րդ տուրից հետո 26 միավորով 10-րդ տեղում է։
Ստյոպա Մկրտչյանը 2023թ. հուլիսին «Արարատ-Արմենիայից» է տեղափոխվել «Օսիեկ», որի կազմում 19 հանդիպման է մասնակցել այս մրցաշրջանում։ Հայաստանի հավաքականում պաշտպանը նորամուտը նշել է 2022 թվականին ու մինչև օրս անցկացրել է 23 խաղ։ Transfermarkt-ը 400 հազար եվրո է գնահատում նրա տրանսֆերային արժեքը։
