Զիդանը բացահայտել է իր հաջողության գրավականը «Ռեալում»

Մադրիդի «Ռեալի» նախկին գլխավոր մարզիչ Զինեդին Զիդանը պատմել է, թե ինչպես է իրեն հաջողվել հաջողության հասնել «Արքայական ակումբի» հետ։ Վերջերս «Ռեալի» գլխավոր մարզիչի պաշտոնում Չաբի Ալոնսոյին փոխարինել էր Ալվարո Արբելոան։

««Ռեալում» մենք միշտ հասանելի էինք ֆուտբոլիստների համար։ Իմ կարծիքով, հենց դա է թիմն իսկապես ուժեղ դարձնում․ դու թիմում ես հանուն ֆուտբոլիստների։ Եթե դա չես հասկանում, այս մասնագիտության մեջ երկար չես դիմանա։ Մենք այստեղ ենք՝ ֆուտբոլիստներին աջակցելու համար, և դա պետք է ցույց տալ։

Որպեսզի հանդերձարանը ընդունի այն, ինչ դու ցանկանում ես ներդնել, ֆուտբոլիստները պետք է ընդունեն քեզ։ Եթե նրանք համաձայն չեն քո առաջարկածի հետ՝ մարզումների, մոտեցման հետ, ապա խաղում միշտ ինչ-որ բան կպակասի։ Մեզ հետ, ինչպես ինձ է թվում, նրանք իսկապես հաճույք էին ստանում ամեն իմաստով։

Մենք մեծ վստահություն էինք ներշնչում ֆուտբոլիստներին։ Թիմն անցնում էր բարդ շրջանի միջով և կարիք ուներ վերականգնելու վստահությունը, օպտիմալ ֆիզիկական պատրաստվածությունը և այլ կարևոր բաղադրիչներ։ Մենք կառուցեցինք այնպիսի համակարգ, որը թույլ տվեց նրանց հասնել դրան։ Իսկ երբ ֆուտբոլիստը մրցունակ է, հաճույք է ստանում մարզումներից և խաղերին դուրս է գալիս ցանկությամբ, ապա դու անխուսափելիորեն հաղթում ես երեք Չեմպիոնների լիգա»,- Համիդ Մսաիդիի հետ հարցազրույցում ասել է ֆրանսիացի մասնագետը։

Հիշեցնենք, որ Զինեդին Զիդանը «Ռեալը» գլխավորել է երկու անգամ՝ 2016-2018 և 2019-2021 թվականներին։