16.01.2026 | 18:25
Անթալիա․ Անի Ամիրաղյանը դուրս եկավ կիսաեզրափակիչ
Մեծ Բրիտանիան մերժել է Ֆրանսիայի և Իտալիայի՝ Պուտինի հետ երկխոսությունը վերսկսելու առաջարկը
Քաղաքականություն
16.01.2026 | 15:03
Մեծ Բրիտանիան տարակարծիք է Ֆրանսիայի և Իտալիայի հետ այն հարցում՝ արդյո՞ք Եվրոպան պետք է վերսկսի ուղիղ բանակցությունները Ռուսաստանի նախագահ Վլադիմիր Պուտինի հետ։ Այս մասին գրում է Politico-ն, փոխանցում է BBC-ի ռուսական ծառայությունը։
Պարբերականին տված հարցազրույցում Մեծ Բրիտանիայի արտաքին գործերի նախարար Իվետ Քուփերը մերժել է Ֆրանսիայի և Իտալիայի առաջնորդների առաջարկը՝ վերսկսել դիվանագիտական շփումները Պուտինի հետ՝ որպես Ուկրաինայում պատերազմը դադարեցնելու ջանքերի մաս։
«Կարծում եմ՝ մեզ անհրաժեշտ են ապացույցներ, որ Պուտինն իսկապես խաղաղություն է ուզում, իսկ այս պահին ես դա չեմ տեսնում։ Մենք տեսնում ենք հսկայական նվիրվածություն այն աշխատանքին, որն Ուկրաինան կատարում է ԱՄՆ-ի և Եվրոպայի աջակցությամբ՝ խաղաղ կարգավորման ծրագրեր մշակելու համար, ներառյալ՝ անվտանգության երաշխիքները։ Սակայն մինչ այժմ ես որևէ ապացույց չեմ տեսնում, որ Պուտինը պատրաստ է նստել բանակցությունների սեղանի շուրջ կամ մասնակցել քննարկումների»,- հավելել է Քուփերը։
Ըստ նրա՝ նման ապացույցների բացակայության դեպքում Մոսկվայի վրա ճնշումը պետք է մեծանա պատժամիջոցների և ռազմական աջակցության միջոցով, այլ ոչ թե թուլանա։
