13.05.2026 | 23:30
Ադրբեջանը հիշատակվում է Պենտագոնի կողմից հրապարակված չբացահայտված թռչող օբյեկտների ֆայլերում
Արման Ծառուկյան․ Իհարկե, զղջում եմ իմ սխալների համար
14.01.2026 | 16:26
UFC-ի թեթև քաշային կարգի դասակարգման առաջատար Արման Ծառուկյանն անդրադարձել է ամերիկացի Ջասթին Գեյջիի ու բրիտանացի Փեդի Փիմբլեթի միջև ժամանակավոր չեմպիոնի տիտղոսի համար մենամարտին։
«Դա Paramount-ի հետ պայմանագրի շրջանակում անցկացվող առաջին մրցաշարն է։ Իսկ ինձ վստահելի չեն համարում, որովհետև ես հրաժարվել եմ տիտղոսային մենամարտից և հարձակվել եմ երկրպագուի վրա։ Բացի այդ, հայացքների մենամարտի ժամանակ ես հարվածեցի Դեն Հուքերին։ Բայց սրանք հանրության համար ներկայացվող պատճառներն են։ Իմ կարծի՞քը։ Ինձ թվում է՝ ինձ չտվեցին գոտու համար մենամարտ, որովհետև ես չափազանց անհարմար մրցակից եմ Փիմբլեթի համար։ UFC-ում ցանկանում են, որ հենց նա դառնա չեմպիոն։
Ես Գեյջի – Փիմբլեթ մենամարտը UFC-ից որևէ մեկի հետ չեմ քննարկել։ Երբ իմ մենեջերն ինձ ասաց դրա մասին, ես չէի կարողանում հավատալ սեփական ականջներիս։ Իհարկե, ես զղջում եմ իմ սխալների համար։ Բայց տեղի ունեցածին հավատացի միայն պաշտոնական հայտարարությունից հետո»,- Արիել Հելվանիի հետ հարցազրույցում ասել է հայ մարտիկը։
Հիշեցնենք, որ 29-ամյա Ծառուկյանը խառը մենամարտերում հանդես է գալիս 2016-ից, իսկ UFC-ում նորամուտը նշել է 2019-ին։ Նա նախորդ մենամարտն անցկացրել է նոյեմբերի 22-ին՝ խեղդող հնարքով հաղթելով նորզելանդացի Դեն Հուկերին։
