27.10.2026 | 23:30
Հայաստանի, Ադրբեջանի և Վրաստանի դեսպանները քննարկել են Հարավային Կովկասի խաղաղության և կայունության ամրապնդման հարցերը
Որոնք են ֆուտզալի Հայաստանի հավաքականի նվազագույն ու առավելագույն խնդիրները Եվրո-2026-ում
14.01.2026 | 12:31
Եվրո-2026-ին պատրաստվող ֆուտզալի Հայաստանի ազգային հավաքականն անցկացրել է բաց մարզում։ Հայաստանի հավաքականի գլխավոր մարզիչ Ռուբեն Նազարեթյանը խոսել է Եվրոպայի առաջնության սպասելիքներից։
«Մեր նվազագույն խնդիրը Եվրոպայի առաջնությունում առաջին հաղթանակն է, առավելագույն խնդիրը՝ խմբից դուրս գալ և ինչքան հնարավոր է առաջ գնալ։ Պատրաստվում ենք այնպես, ինչպես ուժեղագույն հավաքականներից մեկը։ Կարծում եմ՝ հոգեբանական խնդիրը թույլերի մոտ է, իսկ մեր հավաքականը բնավ թույլ չէ։ Պատրաստվում ենք շատ լավ, թիմի մարտական ոգին բարձր է, կորուստներ ունենք, բայց այն կազմը, որ գնալու է Եվրոպայի առաջնություն ինձ լրիվ գոհացնում է։ Մեզ մոտ երբեք չի կարող աստղայինը տանել, դա բացառված է, մեզ մոտ, ինչպես նշեցիք, լավագույն թիմ է, ոչ թե լավագույն աստղ։ Տղաները գիտակցում են ուր են գնում, ինչի համար և նման բաներ միանշանակ չի կարող լինել»,- ասել է մարզիչը։
Հունվարի 15-ին Ռուբեն Նազարեթյանի գլխավորած թիմը Երևանում ընկերական հանդիպում է անցկացնելու Լիբանանի հավաքականի հետ։
Եվրոպայի առաջնության եզրափակիչ փուլը կկայանա հունվարի 21-ից փետրվարի 7-ը Լատվիայում, Լիտվիայում և Սլովենիայում։ Խմբային փուլում Հայաստանի հավաքականի մրցակիցներն են Ուկրաինան (hունվարի 22), Չեխիան (hունվարի 25) և Լիտվան (hունվարի 28)։
