30.10.2026 | 12:59
Ռուսական «Նովայա գազետա»-ն հայտարարել է նոյեմբերի 9-ից գործունեությունը դադարեցնելու մասին
ՀԷՑ-ը վճարել է մոտ 63,7 տոկոսով ավելի հարկեր և տուրքեր․ Ռոմանոս Պետրոսյան
Տնտեսություն
13.01.2026 | 13:56
ՀԷՑ ժամանակավոր կառավարիչ Ռոմանոս Պետրոսյանը ներկայացրել է վիճակագրություն՝ պարզ թվերով:
«2025 թ. 2-րդ կիսամյակում ՀԷՑ-ի կողմից վճարվել է ընդհանուր՝ 8,636 մլրդ ՀՀ դրամի հարկեր և տուրքեր. նախորդ տարվա նույն ժամանակաշրջանի համեմատ՝ շուրջ 3,4 մլրդ ՀՀ դրամով կամ մոտ 63,7 %-ով ավելի։
2024 թ. նույն ժամանակահատվածում ՀԷՑ-ի վճարած հարկ ու տուրքերի հանրագումարը կազմել է՝ շուրջ 5,277 մլրդ ՀՀ դրամ։
2025 թ. 2-րդ կիսամյակում ՀԷՑ-ի կողմից իր աշխատակիցներին վճարված աշխատավարձի գծով բոլոր վճարումները կազմում են՝ 9,547 մլրդ ՀՀ դրամ (առանց եկամտային հարկի). նախորդ տարվա նույն ժամանակահատվածի համեմատ՝ շուրջ 744 մլն ՀՀ դրամով կամ մոտ 8,5 %-ով ավելի։
2024 թ. նույն ժամանակաշրջանում ՀԷՑ-ի վճարած աշխատավարձի գծով բոլոր վճարումները կազմել են շուրջ 8,803 մլրդ ՀՀ դրամ։
Ընդ որում՝ 2025 թ. 2-րդ կիսամյակի ընթացքում ՀԷՑ-ի կողմից վճարված թե՛ հարկ ու տուրքերը, և թե՛ աշխատավարձի գծով բոլոր վճարումները (ՀԾԿՀ կողմից վարչական վարույթի նախաձեռնման և Ժամանակավոր կառավարչի նշանակումից հետո) էապես գերազանցել են նաև 2025 թ. առաջին կիսամյակի արդյունքներին։ Այդ շրջանում վճարվել է շուրջ 7,359 մլրդ ՀՀ դրամի չափով հարկ և տուրքեր, իսկ վճարված աշխատավարձի գծով բոլոր վճարումների հանրագումարը կազմել է շուրջ 8,238 մլրդ ՀՀ դրամ։
ՀԷՑ-ն այլևս ծառայում է մեր ժողովրդին»,- նշված է գրառման մեջ։
