07.09.2026 | 10:40
Մասնավոր բիզնեսները գերծանրաբեռնում են մեր աղբատարները. Ավինյան․ ՏԵՍԱՆՅՈՒԹ
Սուրեն Պապիկյանն այցելել է ՊՆ կենտրոնական հավաքակայան
07.01.2026 | 23:16
Հայաստանի Հանրապետության պաշտպանության նախարար Սուրեն Պապիկյանը ձմեռային զորակոչի մեկնարկի կապակցությամբ՝ այցելել է ՊՆ կենտրոնական հավաքակայան: Այս մասին հայտնում է Պաշտպանության նախարարությունը։
Այցի ընթացքում Սուրեն Պապիկյանին ուղեկցել են պաշտպանության նախարարի առաջին տեղակալ, ԶՈՒ ԳՇ պետ, գեներալ-լեյտենանտ Էդվարդ Ասրյանը, պաշտպանության նախարարի տեղակալ Հրաչյա Սարգսյանը և զորակոչի գործընթացում ներգրավված պատասխանատու ստորաբաժանումների ղեկավարները։
Պաշտպանության նախարարը շրջել է հավաքակայանում, ծանոթացել զորակոչային հանձնաժողովների աշխատանքներին, զրուցել զորակոչիկների հետ՝ մաղթելով նրանց բարի և անվտանգ ծառայություն:
Սուրեն Պապիկյանին զեկուցել են նախապատրաստական աշխատանքների, զինակոչիկների բժշկական հետազոտության և այլ միջոցառումների կատարման վերաբերյալ:
Նախարար Պապիկյանը հանձնարարականներ է տվել զորակոչի աշխատանքներին ներգրավված ծառայությունների ղեկավարներին՝ գործընթացը պատշաճ անցկացնելու համար:
