Հայաստանը ներկայացնող Ռոբերտ Օհանյանը երրորդ տեղն է գրավել քարտինգի միջազգային մրցումներում։
Աբու Դաբիում գտնվող Ֆորմուլա‑1-ի Yas Marina Circuit ավտոդրոմում կայացել են IAME UAE առաջնության 6-րդ և 7-րդ փուլերը։
IAME UAE-ը միջազգային քարտինգի առաջնություն է, որն անցկացվում է IAME (Italian American Motor Engineering) կազմակերպության հովանու ներքո և համախմբում է Մերձավոր Արևելքի ու Եվրոպայի լավագույն երիտասարդ պիլոտներին։
Ռոբերտ Օհանյանը երկու մրցափուլերում ցուցադրել է կայուն և մրցունակ ելույթ ու յուրաքանչյուր փուլում զբաղեցրել երրորդ տեղը։ 7-րդ փուլում հայ մրցարշավորդը մոտ է եղել երկրորդ տեղ գրավելուն, սակայն տուգանային միավորների հաշվարկից հետո եզրափակել է եռյակը։
