30.10.2026 | 12:02
Թրամփը զանգահարել է Էրդողանին Անկարայում Թյուրքական պետությունների առաջնորդների ընթրիքի ժամանակ
ԿՀՎ-ն Պուտինի նստավայրի վրա Ուկրաինայի զինված ուժերի հարձակման ապացույցներ չի գտել
Քաղաքականություն
01.01.2026 | 21:45
Ռուսաստանի պաշտպանության նախարարությունը հայտարարել է, թե ունի ուկրաինական դրոնների կողմից Վլադիմիր Պուտինի նստավայրի վրա հարձակման ապացույցներ և դրանք պատրաստվում է փոխանցել ԱՄՆ-ին։ Այս մասին փոխանցում է BBC-ի ռուսական ծառայությունը։
Գերատեսչության պնդմամբ՝ Նովգորոդի մարզում հայտնաբերված ԱԹՍ-ներից մեկում հայտնաբերվել է «թռիչքային առաջադրանքի ֆայլ», որի տվյալները, ըստ ռուսական կողմի, վկայում են նախագահի նստավայրի ուղղությամբ թիրախավորման մասին։
Միևնույն ժամանակ, New York Times-ը և Wall Street Journal-ը հայտնում են, որ ԱՄՆ ԿՀՎ-ն եզրակացրել է՝ Ուկրաինան այս շաբաթ չի փորձել հարձակվել Պուտինի կամ նրա նստավայրերի վրա։ ԿՀՎ տնօրեն Ջոն Ռատկլիֆը այդ մասին տեղեկացրել է ԱՄՆ նախագահ Դոնալդ Թրամփին։
ԿՀՎ-ն հրաժարվել է մեկնաբանություններից։ Թրամփը Truth Social-ում տարածել է New York Post-ի հոդվածի հղումը, ըստ որի՝ Պուտինի նստավայրի վրա «հարձակման» մասին հայտարարությունները, հավանաբար, չեն համապատասխանում իրականությանը։ Reuters-ի աղբյուրների փոխանցմամբ՝ գրառումը հրապարակվել է Ռատկլիֆի զեկույցից անմիջապես հետո։
