10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
Պուտինի նստավայրի վրա ԱԹՍ-ի հարձակման հաստատում չկա. ISW
Քաղաքականություն
30.12.2025 | 21:30
Պատերազմի ուսումնասիրության ամերիկյան ինստիտուտը (ISW) չի գտել ՌԴ նախագահ Վլադիմիր Պուտինի Վալդայի նստավայրի վրա ուկրաինական անօդաչու թռչող սարքերի հարձակման որևէ հաստատում, որի մասին Կրեմլը հայտնել էր նախորդ օրը: Սա բխում է կենտրոնի վերլուծաբանների կողմից հրապարակված զեկույցից, գրում է DW-ի ռուսական ծառայությունը։
ISW-ն ընդգծել է, որ Ռուսաստանի իշխանությունների կողմից նախագահական նստավայրի վրա հարձակման մասին հաղորդագրությունները չեն հաստատվում բաց աղբյուրներից ստացված տվյալներով, այդ թվում՝ աշխարհագրական դիրքի տեսանյութերով, օբյեկտի մոտ պայթյունների կամ ծխի կադրերով, տեղական իշխանությունների մեկնաբանություններով կամ վնասի մասին տարածաշրջանային լրատվամիջոցների հաղորդագրություններով։
Բացի այդ, վերլուծաբանները մատնանշում են Ռուսաստանի Արտաքին գործերի և Պաշտպանության նախարարությունների պաշտոնական հայտարարություններում առկա հակասությունները։
ISW-ի եզրակացությունները հաստատում են տեղի բնակիչները: «Можем Обишения» տելեգրամ ալիքի տվյալներով՝ Նովգորոդի մարզի բնակիչներն անօդաչու թռչող սարքերի սպառնալիքի մասին որևէ կոնկրետ հաղորդագրություն չեն ստացել, իսկ Վալդայի բնակիչները չեն լսել անօդաչու թռչող սարքերին բնորոշ ձայները կամ անօդաչուների հարվածներից առաջացող պայթյունները:
Թարգմանությունը՝ Էմմա Չոբանյանի
