19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
Դավիթ Խուդաթյանն ու Համաշխարհային բանկի նոր ղեկավարը ձեռք են բերել մի շարք պայմանավորվածություններ
Տնտեսություն
19.12.2025 | 22:34
ՀՀ ՏԿԵ նախարար Դավիթ Խուդաթյանն այսօր ընդունել է Համաշխարհային բանկի հայաստանյան գրասենյակի նորանշանակ ղեկավար Ֆաբրիցիո Զարկոնեին՝ ընդգծելով Համաշխարհային բանկի հետ ռազմավարական գործընկերության կարևորությունն ու քննարկելով համատեղ ծրագրերի ընթացքը և հետագա համագործակցության ուղղությունները։ Այս մասին տեղեկացնում են նախարարությունից։
«Նախարարը շնորհավորել է նշանակման կապակցությամբ և կարևորել ՀԲ-ի հետ գործակցությունը։
Խուդաթյանն ընդգծել է` Համաշխարհային բանկը Հայաստանի Հանրապետության համար երկար տարիներ հանդիսանում է ոչ միայն ֆինանսական գործընկեր, այլ վստահելի ռազմավարական գործընկեր՝ կառուցվածքային բարեփոխումների, ենթակառուցվածքների զարգացման և ինստիտուցիոնալ կարողությունների ամրապնդման գործում։
ՀԲ-ի հետ համագործակցությունն ընդգրկում է միաժամանակ մի քանի առանցքային ոլորտներ։
Ֆաբրիցիո Զարկոնեն իր հերթին ընդգծել է ՏԿԵ նախարարության հետ համագործակցության կարևորությունը։
Հանդիպման ընթացքում քննարկվել են համատեղ իրականացվող ծրագրերի ընթացքը, ձեռք բերել մի շարք պայմանավորվածություններ»,- ասված է հաղորդագրությունում։
