30.10.2026 | 20:47
Դաժան սպանությունից ուղիղ 12 տարի է անցել․ մեղավորներն ազատության մեջ են, վաղեմության ժամկետը՝ մոտ․ ՏԵՍԱՆՅՈՒԹ
Մերձմոսկվայում դանակով զինված աշակերտը մտել է դպրոց ու վիրավորել մի քանի մարդու. մեկ աշակերտ մահացել է. ՏԵՍԱՆՅՈՒԹ
Քաղաքականություն
16.12.2025 | 12:42
Մոսկվայի մարզի Օդինցովո շրջանի դպրոցներից մեկի աշակերտը դանակով զինված մտել է դպրոց և վիրավորել մի քանի մարդու, գրում է Meduza-ն։
Ռուսական տելեգրամյան ալիքների տվյալներով՝ հարձակումը տեղի է ունեցել Օդինցովոյի շրջանի Գորկի-2 բնակավայրի Ուսպենսկայա հանրակրթական դպրոցում։
Shot-ը հաղորդում է, որ դեռահասը վիրավորել է երեք աշակերտի և անվտանգության աշխատակցի, երբ վերջինս փորձել է ձերբակալել նրան: Baza-ի և Shot-ի տվյալներով՝ վիրավորված աշակերտներից մեկը մահացել է: Քննչական կոմիտեն հաստատել է այս տեղեկությունը՝ հայտնելով, որ Օդինցովոյի Գորկի-2 գյուղի դպրոցում դեռահասը «դանակահարել է անվտանգության աշխատակցին և աշակերտներից մեկին»։ Աշակերտը մահացել է ստացած վնասվածքից։ Քննչական կոմիտեն սկսել է սպանության հետաքննություն։
Baza-ն պնդում է, որ հարձակվողը նաև պատանդ է վերցրել աշակերտներից մեկին և փակվել դասարանում: Դեռահասը ավելի ուշ ձերբակալվել է և նրա պատանդը, նախնական տեղեկությունների համաձայն, անվնաս է: «Ինտերֆաքս»-ը հաստատում է հարձակվողի ձերբակալությունը՝ հղում անելով իրավապահ մարմիններին:
Թարգմանությունը՝ Էմմա Չոբանյանի
