Հասարակություն
12.12.2025 | 13:05
Դեկտեմբրի 12-ին ժամը 00․27-ին ոստիկանությունն ահազանգ է ստացել, որ «Վերնիսաժի» մոտ լեհ ֆուտբոլասերները «կոտրում են ամեն ինչ»։
«ՀՈԳՎ Կենտրոնական բաժնից մեկնած հերթապահ խմբի և ոստիկանության գվարդաիայի ծառայողները Խանջյան փողոցից հասարակության հանդեպ բացահայտ անհարգալից վերաբերունք դրսևորելու և խուլիգանություն կատարելու անմիջականորեն ծագած հիմնավոր կասկածով ձերբակալվել և ոստիկանություն տեղափոխել Լեհաստանի Հանրապետության 17 քաղաքացի։
Կազմված փաստաթղթերը փոխանցվել են քննչական բաժին»,- հայտնում են ՆԳՆ-ից։
Լեհ ֆուտբոլասերները Հայաստան էին ժամանել՝ հետևելու Կոնֆերենցիաների լիգայի 5-րդ տուրի «Նոա» – «Լեգիա» հանդիպմանը։ Երեկ՝ դեկտեմբերի 11-ին Հանրապետական մարզադաշտում կայացած խաղում հայկական ակումբը կամային հաղթանակ էր տարել 2-1 հաշվով։
