28.10.2026 | 23:23
Քննարկվել են Լուվրի և Հայաստանի պատմության թանգարանի միջև համագործակցության հեռանկարները
Սանահինի իշխանական դամբարանի շուրջ եղած տապանաքարերը հանել ու ապօրինի թաղում են արել. ովքեր են մեղավորները
19.07.2017 | 20:16
Սանահին վանական համալիրին հարող տարածքում՝ Զաքարյան իշխանների դամբարանի հարևանությամբ, օրեր առաջ երկու պատմական տապանաքարեր տեղահանվել ու դրանց տեղում նոր թաղում է կազմակերպվել: Այս մասին ահազանգում է ճարտարապետ Ստեփան Նալբանդյանը։
Նա օրերս եղել է Սանահինում և տեղում ծանոթացել իրավիճակին։ Ճարտարապետը կատարվածն անվանում է հանցագործություն։ Նրա խոսքով՝ տեղի բնակիչները պարբերաբար ներխուժում են վանքապատկան տարածք՝ ոչնչացնելով պատմական շերտերը։
Factor.am-ը կապ հաստատեց Սանահինի վանահայր Հայր Ավետիք Սողոմոնյանի հետ՝ պարզելու՝ ովքեր են թաղման կազմակերպիչները և ինչպես է պատահել, որ վանահորը չի հաջողվել կանխել գործընթացը։ Պարզվեց, որ Սանահինի անտառապահ Գագիկ Վերանյանն է վանահոր խոսքով՝ խցկվել վանքի տարածք, հրել տապանաքարերն ու տեղում կառուցել հոր գերեզմանը։
Վանահայրն ապօրինի թաղման մասին իմացել է պատահաբար։ Նրան ոչ ոք ոչինչ չի զգուշացրել։ Վանահայրը թաղման պահին եղել է վանքում, պարզապես չի էլ պատկերացրել, որ տարածքն ապօրինի կզավթվի։ Կատարվածի պատճառով Հայր Ավետիքը հասցրել է խիստ նկատողություն ստանալ Գուգարաց թեմի առաջնորդից։
Ի վերջո, ովքե՞ր են պատահածի մեղավորները, արդյոք հնարավո՞ր էր նման դրսևորումը կանխել, ո՞վ է, որ թերացել է այդ հարցում, ապօրինի թաղում կազմակերպողներն արդյոք կպատժվե՞ն։
Թեմայի շուրջ զրուցել ենք ճարտարապետ Ստեփան Նալբանդյանի և ՀՀ մշակույթի նախարարության պատմության և մշակույթի հուշարձանների պահպանության գործակալության պետ Արմեն Աբրոյանի հետ։
Աննա Բաբաջանյան
