14.09.2026 | 20:30
Ադրբեջանը սարքել է եվրոպացի դիվանագետների գլխին՝ մասնակից դարձնելով իր կազմակերպած շոուին․ Էդգար Առաքելյան. ՏԵՍԱՆՅՈՒԹ
Մեծ հավանականությամբ կմասնակցեմ. Քոչարյանը՝ առաջիկա ընտրությունների մասին
Քաղաքականություն
06.12.2025 | 18:07
«Վերջնական որոշումը չունենք ֆորմատների, բայց մեծ հավանականությամբ կմասնակցեմ», – աջակիցների հետ հանդիպման ժամանակ հայտարարել է ՀՀ երկրորդ նախագահ Ռոբերտ Քոչարյանը։
Նա այս հայտարարությունն արել է` արձագանքելով «Միասնության թևեր» քաղաքական նախաձեռնության առաջնորդ Արման Թաթոյանի կոչին։
Հիշեցնենք, որ Արման Թաթոյանը ասել էր, թե Հայաստանի նախկին նախագահները չպետք է մասնակցեն 2026 թվականին կայանալիք խորհրդարանական ընտրություններին, որպեսզի հնարավոր լինի պարտության մատնել գործող իշխանություններին։
Քոչարյանը «աբսուրդ» է որակել Թաթոյանի հայտարարությունը։ Նրա խոսքով՝ այդպիսով Արման Թաթոյանը գտնում է, որ ընտրություններին ընդհանրապես չպետք է մասնակցեն ՀԱԿ-ը և ՀՀԿ-ն, որովհետև ՀԱԿ-ի առաջնորդն առաջին նախագահ Լևոն Տեր-Պետրոսյանն է, իսկ ՀՀԿ-ի առաջնորդը՝ երկրորդ նախագահ Սերժ Սարգսյանը։
«Նույնիսկ եթե կուսակցությունների առաջնորդները ցուցակում ներառված չլինեն, սակայն նրանց կուսակցությունները մասնակցեն ընտրություններին, դա նշանակում է, որ առաջնորդները ևս մասնակցում են։ ՔՊ-ն պետք է չընտրվի, և ես պլան Բ չունեմ», – ասել է Ռոբերտ Քոչարյանը։
