Ժաննա Անդրեասյանը գիտական ինստիտուտների ղեկավարների հետ քննարկել է ոլորտի բարեփոխումները

Լուրեր

22.11.2026 | 13:13
Հրապարակվել են նոյեմբերի 29-ի ՏԻՄ ընտրությունների ընտրողների վերջնական ցուցակները
22.11.2026 | 12:59
Հայաստանն ու Իրանը քննարկել են բարձր տեխնոլոգիաների ոլորտում համագործակցության հեռանկարները
22.11.2026 | 12:13
Փաշինյանը հանդիպել է Digitec 2026-ին մասնակցող ՏՏ ընկերությունների ղեկավարների հետ
22.11.2026 | 11:57
Թրամփը լուսանկար է հրապարակել Պուտինի հետ և կրկին նրան իր ընկերն անվանել
22.11.2026 | 11:45
Հայաստանն ու Լիբանանը պետք է շարունակեն ամրապնդել քաղաքական երկխոսությունը․ Փաշինյանի ուղերձը
22.11.2026 | 11:18
Նոյեմբերի 22-ին Մալաթիա-Սեբաստիա վարչական շրջանի մի շարք հասցեներում ջուր չի լինի
22.11.2026 | 10:58
Վարդենյաց լեռնանցքում ձյուն է տեղում, հանրապետության մի շարք շրջաններում՝ անձրև
22.11.2026 | 10:42
Նոյեմբերի 22-ին Մեղրի քաղաքի և Արարատ գյուղի մի շարք հասցեներում ջուր չի լինի
22.11.2026 | 10:12
Քարի լիճ տանող ճանապարհը փակ է, Լարսը՝ բաց բոլոր տեսակի տրանսպորտային միջոցների համար
22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
Բոլորը

ԿԳՄՍ նախարար Ժաննա Անդրեասյանը գիտական ինստիտուտների ղեկավարների հետ քննարկել է գիտական կազմակերպությունների կառավարման, ֆինանսավորման, տնօրենների նշանակման և գիտաշխատողների ատեստավորման հարցերը։ Անդրադարձ է կատարվել նաև 2026-2030 թվականների գիտության զարգացման ռազմավարության իրականացմանը։

ՀՀ կրթության, գիտության, մշակույթի և սպորտի նախարար Ժաննա Անդրեասյանն այսօր հանդիպել է գիտական ինստիտուտների ղեկավարների հետ՝ քննարկելու գիտության ոլորտում իրականացվող բարեփոխումները, գիտական կազմակերպությունների կառավարման, ֆինանսավորման և հետագա գործունեության կազմակերպմանն առնչվող հարցերը։

Հանդիպմանը մասնակցել են Բարձրագույն կրթության և գիտության կոմիտեի նախագահի պարտականությունները կատարող Լիլիթ Մկրտչյանը, կոմիտեի այլ ներկայացուցիչներ։ Ներկայացնելով Լիլիթ Մկրտչյանին՝ Ժաննա Անդրեասյանը վստահություն է հայտնել արդյունավետ համագործակցության վերաբերյալ՝ կարևորելով նաև հումանիտար և հասարակական գիտությունների առանձնահատկությունների առավել համակողմանի դիտարկումը։

Անդրադառնալով գիտական կազմակերպությունների կառավարմանը՝ նախարարը տեղեկացրել է, որ ինստիտուտների կանոնադրություններն արդեն հաստատվել են, և առաջնահերթ է կառավարման խորհուրդների ձևավորումը։ Քննարկվել են նաև տնօրենների պաշտոնների համալրման, խորհուրդներում մասնագիտական ներկայացվածության և գիտական աշխատողների ատեստավորման հարցերը։

Գիտության ոլորտի ֆինանսավորման համատեքստում Ժաննա Անդրեասյանը վերահաստատել է, որ Կառավարության հաստատած ՀՀ գիտության ոլորտի զարգացման 2026-2030 թթ. ռազմավարական ծրագիրն իրականացվելու է՝ ապահովելով մեկնարկած ծրագրերի շարունակականությունն ու նոր նախաձեռնությունների իրականացումը։

Միաժամանակ նա կարևորել է հանրային միջոցների արդյունավետ օգտագործումը, գիտական արդյունքների գնահատումն ու հաշվետվողականության բարձրացումը, ինչպես նաև գիտության ձեռքբերումների հանրայնացումը։ Այս համատեքստում քննարկվել են նոյեմբերի 10-ին՝ Գիտության համաշխարհային օրվա շրջանակում հանրային միջոցառումների կազմակերպման հնարավորությունները՝ հատկապես կարևորելով դպրոցականների ներգրավվածությունը։

Անդրադարձ է կատարվել նաև գիտական կազմակերպությունների հաջորդ տարվա բազային ֆինանսավորման չափաքանակների հաստատմանը։ Նախարարը կարևորել է գործընթացի առավել վաղ կազմակերպումը՝ հաստատությունների գործունեության արդյունավետ պլանավորումն ապահովելու նպատակով։

Քննարկվել են նաև բարձրագույն կրթության երրորդ աստիճանի կրթական ծրագրերի համատեղ կազմակերպման հարցերը։ Անդրադարձ է կատարվել գիտական կազմակերպությունների կառավարման, Գիտությունների ազգային ակադեմիայի ներգրավվածության և ֆինանսավորման հարցերին։

Նախարարը վերահաստատել է գիտական համայնքի հետ շարունակական համագործակցության և բարձրացված խնդիրներին գործնական լուծումներ տալու պատրաստակամությունը։