28.04.2026 | 18:19
Մուստաֆաևն ու Գալուզինը Բաքվի և Մոսկվայի միջև հարաբերություններն են քննարկել
Բաքվում Ռուբեն Վարդանյանի շինծու գործերով հերթական դատական նիստն է տեղի ունեցել
Քաղաքականություն
26.11.2025 | 10:59
Արցախի նախկին պետնախարար Ռուբեն Վարդանյանի նկատմամբ հարուցված շինծու գործերով հերթական դատական նիստն է տեղի ունեցել Բաքվի զինվորական դատարանում։ Ադրբեջանական լրատվամիջոցների հաղորդմամբ՝ դատավոր Զեյնալ Աղաևի նախագահությամբ նիստում լսվել են, այսպես կոչված, «տուժողների» ցուցմունքները։
Մասնավորապես, «տուժող» Սամիր Մամեդովն ասել է, թե «Լաչինում հակառակորդի կողմից արձակված և իր մոտ ընկած ականանետային արկից գլխից վիրավորվել է»։ Պետական մեղադրող Վուսալ Աբդուլլաևի հարցերին պատասխանելով՝ նա նշել է, թե հարվածի ժամանակ վիրավորվել է նաև Թուրալ Իսկենդերովը։
Ցուցմունքներ են տվել նաև այլ «տուժողներ»։ Հաջորդ դատական նիստը նշանակվել է դեկտեմբերի 1-ին։
Հավելենք, որ Ռուբեն Վարդանյանի շինծու գործերով վերջին նիստերում «տուժողների» ցուցմունքներ են ներկայացվում։
Թարգմանությունը՝ Էմմա Չոբանյանի
