30.10.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Բաքվում Ռուբեն Վարդանյանի շինծու գործերով նիստում «տուժողներ» են ցուցմունքներ տվել
Քաղաքականություն
24.11.2025 | 20:42
Բաքվի զինվորական դատարանում այսօր տեղի է ունեցել Արցախի նախկին պետնախարար Ռուբեն Վարդանյանի նկատմամբ հարուցված շինծու գործերով դատական նիստը։ Դատավոր Զեյնալ Աղաևի նախագահությամբ կայացած նիստում լսվել են, այսպես կոչված, «տուժողների» ցուցմունքները, հայտնում են ադրբեջանական լրատվամիջոցները։
Մասնավորապես, պատասխանելով դատախազ Տարանա Մամեդովայի հարցերին՝ «տուժող» Միրհուսեյն Սալահովը նշել է, որ ինքը, Հուսեյն Մամեդովը և մի քանի այլ անձինք, իբր, «վիրավորվել են Քարվաճառում հայկական բանակի մնացորդների և հայկական անօրինական զինված կազմավորումների կողմից արձակված ականանետի արկի պայթյունի հետևանքով»։
Հաջորդ դատական նիստը նշանակվել է նոյեմբերի 25-ին։
Հիշեցնենք, որ նախորդ նիստերում կրկին «տուժողներ» էին ցուցմունք տվել։
Թարգմանությունը՝ Էմմա Չոբանյանի
